నల్లగొండ జిల్లాలో రోడ్డు ప్రమాదం.. అతివేగంతో అదుపుతప్పిన ఆర్టీసీ బస్సు
ABN , Publish Date - Jan 29 , 2026 | 10:37 AM
నల్లగొండ జిల్లా కట్టంగూరు మండలం ముత్యాలమ్మగూడెం సమీపంలో 65వ జాతీయ రహదారిపై గురువారం తెల్లవారుజామున రోడ్డు ప్రమాదం జరిగింది. హైదరాబాద్ నుంచి విజయవాడ వైపునకు వెళ్తున్న ఆర్టీసీ సూపర్ లగ్జరీ బస్సు అతివేగంతో అదుపుతప్పి రోడ్డు డివైడర్పైకి దూసుకెళ్లింది.
నల్లగొండ, జనవరి 29 (ఆంధ్రజ్యోతి): నల్లగొండ జిల్లా కట్టంగూరు మండలం ముత్యాలమ్మగూడెం సమీపంలో 65వ జాతీయ రహదారిపై గురువారం రోడ్డు ప్రమాదం (Nalgonda Road Accident) జరిగింది. హైదరాబాద్ నుంచి విజయవాడ వైపునకు వెళ్తున్న ఆర్టీసీ సూపర్ లగ్జరీ బస్సు అతివేగంతో అదుపుతప్పి రోడ్డు డివైడర్పైకి దూసుకెళ్లింది. ప్రమాద సమయంలో బస్సులో మొత్తం 26 మంది ప్రయాణికులు ఉన్నారు. ఈ ఘటనలో ముగ్గురు ప్రయాణికులకు స్వల్ప గాయాలు కాగా, మిగిలినవారు క్షేమంగా బయటపడ్డారు. గాయపడిన వారిని వెంటనే సమీపంలోని ఆస్పత్రికి తరలించి ప్రథమ చికిత్స అందించారు.
ప్రమాద కారణం..
అతివేగమే ప్రమాదానికి ప్రధాన కారణమని ప్రాథమికంగా తెలుస్తోంది. వేగంగా వెళ్తున్న బస్సు అకస్మాత్తుగా అదుపుతప్పి రోడ్డు మధ్యలో ఉన్న డివైడర్పైకి దూసుకెళ్లింది. ప్రమాద సమయంలో బస్సులో మొత్తం 26 మంది ప్రయాణికులు ఉన్నారు. ఈ ఘటనలో ముగ్గురు ప్రయాణికులకు స్వల్ప గాయాలయ్యాయి. అదృష్టవశాత్తూ బస్సు పల్టీ కొట్టకపోవడంతో పెద్ద ప్రమాదం తప్పినట్లయింది. మిగిలిన ప్రయాణికులందరూ సురక్షితంగా బయటపడటంతో అంతా ఊపిరి పీల్చుకున్నారు.
సహాయక చర్యలు..
స్థానికులు పోలీసులకు సమాచారం అందజేశారు. సమాచారం అందుకున్న వెంటనే పోలీసులు ఘటనా స్థలానికి చేరుకున్నారు. గాయపడిన వారిని చికిత్స నిమిత్తం సమీప ఆస్పత్రికి తరలించారు. బస్సు డివైడర్పై ఇరుక్కుపోవడంతో జాతీయ రహదారిపై కాసేపు ట్రాఫిక్కు అంతరాయం ఏర్పడింది. క్రేన్ సహాయంతో బస్సును తొలగించి రాకపోకలను పునరుద్ధరించారు. ఈ ఘటనపై పోలీసులు కేసు నమోదు చేసి ప్రమాదానికి గల కారణాలపై దర్యాప్తు ప్రారంభించారు. బస్సు డ్రైవర్ను విచారిస్తున్నారు. ఈ ప్రమాదంతో ప్రయాణికులు భయాందోళనకు గురయ్యారు.
జాతీయ రహదారులపై ప్రమాదాలు..
ఇటీవల జాతీయ రహదారులపై అతివేగంతో జరుగుతున్న ప్రమాదాల సంఖ్య పెరుగుతోండటంపై స్థానికులు ఆందోళన వ్యక్తం చేశారు. డ్రైవర్లు వేగ నియంత్రణ పాటించాలని, ఆర్టీసీ యాజమాన్యం కూడా భద్రతా చర్యలు మరింత కఠినంగా అమలు చేయాలని ప్రయాణికులు కోరుతున్నారు. జాతీయ రహదారులపై ప్రయాణించే వాహనదారులు వేగ నియంత్రణ పాటించాలని, ముఖ్యంగా మలుపుల వద్ద అప్రమత్తంగా ఉండాలని పోలీసులు సూచించారు.
ఈ వార్తలు కూడా చదవండి...
హార్వర్డ్ విద్యార్థులు తెలంగాణ బ్రాండ్ అంబాసిడర్లు కావాలి: సీఎం రేవంత్
హైదరాబాద్లో రోడ్డు ప్రమాదం.. ఇద్దరు విద్యార్థుల మృతి
Read Latest Telangana News And Telugu News
