2న నీటి సరఫరాలో అంతరాయం

ABN , Publish Date - Apr 30 , 2026 | 08:34 AM

హైదరాబాద్‌ నగరంలోని పలు ప్రాంతాలకు మే 2వ తేదీన 24గంటల పాటు తాగునీటి సరఫరాలో అంతరాయం తలెత్తుతుందని వాటర్‌బోర్డు అధికారులు ప్రకటించారు.

Water Supply

హైదరాబాద్‌ సిటీ: నగరంలోని పలు ప్రాంతాలకు మే 2వ తేదీన 24గంటల పాటు తాగునీటి సరఫరాలో అంతరాయం తలెత్తుతుందని వాటర్‌బోర్డు అధికారులు ప్రకటించారు. ఆసిఫ్‏నగర్‌ ఫిల్టర్‌ బెడ్స్‌లో ఉన్న 1.36ఎంఎల్‌ సామర్థ్యం గల పాత బ్యాలెన్సింగ్‌ ట్యాంక్‌ శుభ్రపరిచే పనులను మే 2న ఉదయం 6గంటల నుంచి మరుసటి రోజు(3వ తేదీ) ఉదయం 6 గంటల వరకు చేపట్టనున్నారు.

city4.2.jpg ఈ పనుల నేపథ్యంలో నగరంలోని కొన్ని ప్రాంతాల్లో లోప్రెజర్‌తో నీటిసరఫరా, గోషామహల్‌, కార్వాన్‌, గోల్కొండ, కవాడిగూడ, జూబ్లీహిల్స్‌ సర్కిళ్ల పరిధుల్లో సరఫరాలో అంతరాయాలు తలెత్తనున్నాయని తెలిపారు. వినియోగదారులు నీటిని పొదుపుగా వాడుకోవాలని ఈ సందర్భంగా విజ్ఞప్తి చేశారు.