Share News

పాదచారుడితో గొడవపడ్డ భారత సంతతి మహిళ.. చివరకు అరెస్ట్

ABN , Publish Date - Oct 07 , 2026 | 04:20 PM

కెనడాలోని కాల్‌గరీలో పాదచారుడితో గొడవ పడిన భారత సంతతి మహిళను అక్కడి పోలీసులు అరెస్ట్ చేశారు. రోడ్డు దాటుతున్న వ్యక్తికి దారి ఇవ్వకపోగా.. అతనితో ఘర్షణకు దిగడంతో పోలీసులు ఆమెను అదుపులోకి తీసుకున్నారు.

పాదచారుడితో గొడవపడ్డ భారత సంతతి మహిళ.. చివరకు అరెస్ట్
Indian-origin woman

ఇంటర్నెట్‌ డెస్క్: కెనడాలోని కాల్‌గరీలో పాదచారుడితో గొడవ పడిన భారత సంతతి మహిళను అక్కడి పోలీసులు అరెస్ట్ చేశారు. రోడ్డు దాటుతున్న వ్యక్తికి దారి ఇవ్వకపోగా.. అతనితో ఘర్షణకు దిగడంతో పోలీసులు ఆమెను అదుపులోకి తీసుకున్నారు. ఘటనకు సంబంధించి వివరాలు ఇలా ఉన్నాయి.


కాల్‌గరీలో నడుచుకుంటూ వెళ్తున్న ఓ వ్యక్తి రోడ్డు దాటేందుకు ప్రయత్నించాడు. అదే సమయంలో వచ్చిన కారు అతనికి దారి ఇవ్వలేదు. పైగా కారు అతడి మీదకు దూసుకొచ్చి.. దాదాపుగా ఢీకొట్టబోయింది. దీంతో ఆ పాదచారుడు మొబైల్ తీసి ఘటనను రికార్డ్ చేయడం మొదలుపెట్టాడు. వెంటనే కారులోంచి దిగిన మహిళ అతడి దగ్గరకు వచ్చింది. ‘నన్ను వీడియో తీసే అధికారం నీకు ఎవరిచ్చారు..?’ అంటూ ప్రశ్నించింది. వీడియో రికార్డ్ చేయడాన్ని తప్పుబట్టింది. ఆపై పాదచారుడితో గొడవపెట్టుకుని, అతని ఫోన్ లాక్కునేందుకు ప్రయత్నించింది. అంతటితో ఆగకుండా అతని బ్యాక్ ప్యాక్‌ను పట్టుకుని రోడ్డు పక్కకు లాగడానికి ప్రయత్నించింది.


కారు డ్రైవ్ చేస్తున్న మహిళ భర్త అప్పుడే వీరి దగ్గరకు వచ్చి పాదచారుడికి క్షమాపణ చెప్పాడు. దానికి ‘మీ భార్య నాతో అనవసరంగా గొడవ పెట్టుకుంది. నేను పోలీసులను పిలుస్తాను’ అని పాదచారుడు సమాధానమిచ్చాడు. ఈ ఘటన జరిగిన కొద్దిసేపటికే అక్కడికి పోలీసులు చేరుకున్నారు. ఆ మహిళను అదుపులోకి తీసుకున్నారు. ఆమెను పోలీసు వాహనంలో కూర్చోపెట్టారు. అలాగే మహిళ భర్తని కూడా అరెస్ట్ చేయాలని, అతడు ఇన్సూరెన్స్ లేకుండా వాహనాన్ని నడుపుతున్నాడని పాదచారుడు ఆరోపించాడు. ఈ ఘటనకు సంబంధించిన వీడియోను సోషల్ మీడియాలో పోస్ట్ చేయగా.. అదికాస్తా వైరల్ అవుతోంది. మహిళ తీరుపై నెటిజన్లు ఆగ్రహం వ్యక్తం చేస్తున్నారు.


ఇవీ చదవండి

పిల్లల కోసం కారుకు ఎదురెళ్లిన ఎలుగు... చివరకు ఏమైందంటే..

బారికేడ్‌ను ఇలాక్కూడా వాడతారని ఇప్పుడే తెలిసింది.. వీళ్ల నిర్వాకం చూస్తే..

Updated Date - Oct 07 , 2026 | 07:01 PM