అదిగో ఎండ..కొనేయ్‌ కుండ..!

ABN , Publish Date - Feb 27 , 2026 | 01:34 PM

రాజధాని బెంగళూరు నగరంలో వేసవి కాలం ప్రారంభంతోనే ఎండ ప్రభావం కనిపిస్తోంది. సాధారణంగా మార్చి మధ్యనుంచి ఏప్రిల్‌లో ఎండ ఎక్కువగా ఉంటుంది.

బెంగళూరు: రాజధాని బెంగళూరు నగరంలో వేసవి కాలం ప్రారంభంతోనే ఎండ ప్రభావం కనిపిస్తోంది. సాధారణంగా మార్చి మధ్యనుంచి ఏప్రిల్‌లో ఎండ ఎక్కువగా ఉంటుంది. కానీ ఫిబ్రవరి రెండో వారం నుంచే నగరంలో భానుడి దాడి మొదలయ్యింది. ఇక చల్లని నీటి కోసం కుండల కొనుగోళ్లు జోరందుకున్నాయి ముఖ్యంగా కుళాయిలు అమర్చిన కుండల వ్యాపారం బాగా పెరిగింది.

ఒక్కో కుండకు రూ.250 నుంచి రూ.400 దాకా ధరలు పలుకుతున్నాయి. ఇక ఎండకు తాళలేక గొడుగులు వాడేవారూ అధికంగానే కనిపిస్తున్నారు. ఇక ప్లాస్టిక్‌ వాటర్‌ క్యాన్ల విక్రయంతోపాటు వాటర్‌ప్లాంట్‌ల వద్ద ప్రజలు బారులు తీరుతున్నారు. ఇది నగరంలో ఎటు చూసినా కనిపిస్తున్న తీరు.