ఊటీ గార్డెన్‌లో సినిమా షూటింగ్‌ల నిషేధం

ABN , Publish Date - Apr 02 , 2026 | 12:11 PM

ఊటీలో సినిమా షూటింగ్‌లపై నిషేధం విధించారు. పర్వతరాణిగా పేరుగాంచిన నీలగిరి జిల్లా ఊటీలో తేయాకు తోటలు, ఇతర ప్రాంతాలు పర్యాటకులను విశేషంగా ఆకట్టుకుంటున్నాయి.

చెన్నై: ఊటీలో సినిమా షూటింగ్‌లపై నిషేధం విధించారు. పర్వతరాణిగా పేరుగాంచిన నీలగిరి జిల్లా ఊటీలో తేయాకు తోటలు, ఇతర ప్రాంతాలు పర్యాటకులను విశేషంగా ఆకట్టుకుంటున్నాయి. అదే సమయంలో, ఊటీలో తమిళం, మలయాళం, తెలుగు, హిందీ చిత్రాల షూటింగ్‌లు జరుగుతుంటాయి. ఈ క్రమంలో ఏప్రిల్‌, మే నెలల్లో వేసవి సీజన్‌ సందర్భంగా పూలు, పండ్లు, ఉద్యానవన పంటలు తదితరాలతో కూడిన ప్రదర్శనలు ఏర్పాటుచేస్తుంటారు.

ఈ కారణంగా, బుధవారం నుంచి మూడు నెలలు బొటానికల్‌ గార్డన్‌, సిమ్స్‌ పార్క్‌ సహా 8 పార్క్‌ల్లో సినిమా షూటింగ్‌లపై ఉద్యానవన శాఖ జాయింట్‌ డైరెక్టర్‌ నవనీత నిషేధం విధించారు.