తిరుపతిలో విషాదం.. ప్రేమ విఫలమైందని విద్యార్థి ఆత్మహత్య

తిరుపతి, ఏప్రిల్ 19 (ఆంధ్రజ్యోతి): ఆధ్యాత్మిక నగరం తిరుపతిలో ఓ యువ విద్యార్థి బలవన్మరణానికి పాల్పడటం స్థానికంగా కలకలం రేపింది. ప్రేమించిన యువతి తనను నిరాకరించిందనే మనస్థాపంతో ఓ యువకుడు ఉరివేసుకుని ప్రాణాలు తీసుకున్నారు. ఈ విషాద ఘటన తిరుపతి వెస్ట్ పోలీస్ స్టేషన్ పరిధిలో చోటుచేసుకుంది. ఈ ఘటనపై పోలీసులు కేసు నమోదు చేసి దర్యాప్తు చేపట్టారు.

గదిలో ఉరివేసుకుని ఆత్మహత్య..

ఈ ఘటనకు సంబంధించిన వివరాలను పోలీసులు వెల్లడించారు. చిత్తూరు జిల్లా పలమనేరు నియోజకవర్గం, గంగవరం మండలానికి చెందిన జే. మహేంద్ర (20) అనే యువకుడు తిరుపతిలో ఉంటూ చదువుకుంటున్నారు. ఆయన నగరంలోని ఓ ప్రైవేట్ కళాశాలలో బీకాం కంప్యూటర్స్ మూడో సంవత్సరం చదువుతున్నారు. మహేంద్ర తిరుపతిలోని వెంకటరమణ లే అవుట్ ప్రాంతంలో ఓ గదిని అద్దెకు తీసుకుని నివసిస్తున్నారు. గత కొంతకాలంగా ఆయన ఓ యువతిని ప్రేమిస్తున్నట్లు తెలుస్తోంది. అయితే, సదరు యువతి మహేంద్ర ప్రేమను నిరాకరించడంతో ఆయన తీవ్ర మనస్తాపానికి గురయ్యారు. ప్రేమ వ్యవహారంలో ఎదురైన చేదు అనుభవంతో తీవ్ర డిప్రెషన్‌లోకి వెళ్లిన మహేంద్ర తన గదిలో ఎవరూ లేని సమయంలో ఫ్యాన్‌కు ఉరివేసుకుని ఆత్మహత్య చేసుకున్నారు. గమనించిన ఇరుగుపొరుగు వారు పోలీసులకు సమాచారం అందించారు.

పోలీసుల చర్యలు..

సమాచారం అందుకున్న వెంటనే తిరుపతి వెస్ట్ ఎస్ఐ హేమాద్రి తన సిబ్బందితో కలిసి ఘటనా స్థలానికి చేరుకున్నారు. గదిని పరిశీలించి, మృతదేహాన్ని స్వాధీనం చేసుకున్నారు. మృతదేహాన్ని పోస్టుమార్టం నిమిత్తం తిరుపతిలోని రుయా ఆస్పత్రి మార్చురీకి తరలించారు. మృతుని కుటుంబ సభ్యులకు సమాచారం అందించిన పోలీసులు, కేసు నమోదు చేసి దర్యాప్తు చేపట్టారు. యువకుడి ఆత్మహత్యకు గల కారణాలపై పోలీసులు ఆరా తీస్తున్నారు.

ఈ వార్తలు కూడా చదవండి...

జగన్ హయాంలో పేదలకు అన్నం లేకుండా చేశారు.. సీఎం ధ్వజం

స్మార్ట్ పరిశ్రమలతో అమరావతికి ఆదాయం పెంచడమే లక్ష్యం: మంత్రి నారాయణ

వైఎస్సార్ సిద్ధాంతాలను జగన్ మంటగలిపారు.. షర్మిల ధ్వజం

Read Latest AP News And Telangana News And International News And Telugu News