ఏపీ ఐఏఎస్ అధికారుల బదిలీలపై నిషేధాన్ని పొడిగించిన ప్రభుత్వం

అమరావతి, అక్టోబర్ 12: రాష్ట్రంలోని ఐఏఎస్ అధికారుల బదిలీ, పోస్టింగులపై నిషేధాన్ని పొడిగిస్తూ.. రాష్ట్ర ప్రభుత్వం కీలక నిర్ణయం తీసుకుంది. ఈ మేరకు అక్టోబర్ 16 వరకు బదిలీలను నిషేధిస్తూ జీవో జారీ చేసింది.

రాష్ట్రంలో జరగబోయే స్థానిక సంస్థల నేపథ్యంలో ఐఏఎస్‌ల బదిలీలను తాత్కాలికంగా నిలివేసేందుకు ప్రభుత్వం నిర్ణయం తీసుకుంది. ఓటరు జాబితా సవరణ పూర్తయ్యే వరకు ఈ నిషేధం అమలులో ఉంటుందని తెలిపింది. ఈ మేరకు స్థానిక సంస్థల ఎన్నికలకు సంబంధించిన ఓటరు జాబితాను సవరించే పనులు వేగవంతంగా పూర్తవుతున్నాయని.. ఈ సమయంలో ఐఏఎస్‌లను బదిలీ చేయడం వల్ల పనుల్లో ఆటంకాలు ఏర్పడే అవకాశాలు ఉన్నందున ప్రభుత్వం ఈ కీలక నిర్ణయం తీసుకున్నట్లు సంబంధిత అధికారులు తెలిపారు. స్థానిక ఎన్నికల అనంతరం ఉన్నతాధికారుల బదిలీలు, పోస్టింగులు అమల్లోకి రానున్నట్లు సమాచారం.

ఈ వార్తలు కూడా చదవండి..

బీసీ యువతకు ఉచిత సివిల్స్ కోచింగ్.. డా. లక్ష్మయ్య ఐఏఎస్ అకాడమీతో ఎంఓయూ

ఫార్ములా ఈ-కార్ రేస్ కేసు.. ఏసీబీ కోర్టులో కేటీఆర్ డిశ్చార్జ్ పిటిషన్

For More AP News And Telugu News