Summer: వేసవిలో.. పిల్లలు జర జాగ్రత్త..

ABN , Publish Date - May 09 , 2025 | 11:47 AM

ప్రస్తుతం వేసవి సీజన్ వచ్చేసింది. పాఠశాలలకు సెలవులు ఇచ్చేశారు. అయితే.. ఇంటివద్ద ఉండే చిన్నారులు బయట ఎండలో ఆటలాడుతుంటారు. ఈ క్రమంలో వారు అనారోగ్యానికి గురయ్యే ప్రమాదం ఉంది. కాగా.. వేసవిలో పిల్లలు అస్వస్థతకు గురికాకుండా ఎలాంటి జాగ్రత్తలు తీపుకోవాలో తెలుసుకునే ప్రయత్నం చేద్దాం..

- ఉదయం పది తరువాత ఆటలు వద్దు

- తేలికపాటి ఆహారం, సరిపడా నీరు తీసుకోవాలి

హైదరాబాద్: రోజురోజుకు ఎండలు మండిపోతున్నాయి. ఉక్కపోతతో జనాలు విలవిల్లాడుతున్నారు. ఉష్ణోగ్రతలు అధికంగా ఉండడం.. వేడి గాలులు వీచడంతో చిన్నపిల్లలు త్వరగా అలసిపోవడం, వడదెబ్బకు లోనవడం వంటి సమస్య తలెత్తే అవకాశం ఎక్కువగా ఉంటుంది. వేసవి సెలవుల్లో పిల్లలు ఎక్కువగా బయట ఆడుకోవడం లాంటివి చేస్తుంటారు. ఉదయం పది తర్వాత బయటకు పిల్లలను బయటకు పంపకపోవడమే మంచిదని వైద్య నిపుణులు సూచిస్తున్నారు. పిల్లలకు తేలికపాటి ఆహారం అందిస్తూ సరిపడా నీరు తీసుకునేలా తల్లిదండ్రులు జాగ్రత్త వహించాలని చెబుతున్నారు.

ఈ వార్తను కూడా చదవండి: శంషాబాద్‌ టు వియత్నాం.. విమాన సర్వీసును ప్రారంభించిన జీఎంఆర్‌

లేతరంగు వస్ర్తాలు ధరించాలి

ఎండలో తప్పనిసరిగా బయటికి వెళ్లాల్సి వస్తే టోపి లేదా గొడుగు వాడాలి. శరీరం అంతా కప్పేలా గాలి, సోకేలా తెల్లటి నూలు వస్త్రాలు ధరించాలి. లేదా లైట్‌ కలర్‌ బట్టలు వేసుకోవడం ఎంతో ఉత్తమం. సన్‌లోషన్‌ క్రీములు వినియోగించాలి.

- మౌనిక, పీహెచ్‌సీ వైద్యాధికారి, మూసాపేట వేసవిలో తీసుకోవాల్సిన జాగ్రత్తలు..

- తప్పనిసరిగా రోజుకు రెండు నుంచి నాలుగు లీటర్ల నీటిని తాగాలి.

- సులభంగా జీర్ణమయ్యే ఆహార పదార్థాలు తీసుకోవాలి.

city8.2.jpg