BOM Recruitment 2025: బ్యాంక్ ఆఫ్ మహారాష్ట్రలో ఆఫీసర్ పోస్టులు.. జీతం నెలకు రూ.90 వేల పైనే..
ABN , Publish Date - Aug 17 , 2025 | 04:29 PM
బ్యాంకింగ్ రంగంలో ఉద్యోగం కోసం ప్రయత్నిస్తున్నవారికి మరో ఛాన్స్. బ్యాంక్ ఆఫ్ మహారాష్ట్ర 500 జనరల్ ఆఫీసర్ (స్కేల్ II) పోస్టులకు నోటిఫికేషన్ విడుదలు చేసింది. జీతం నెలకు రూ.90 వేలపైనే. దరఖాస్తు ప్రక్రియ ప్రారంభమైంది. ఆసక్తి కలిగిన అభ్యర్థులు వెంటనే అప్లై చేసుకోండి.
ప్రతి నెలా మంచి జీతంతో బ్యాంకులో శాశ్వత ఉద్యోగం సాధించాలనే యువతకు మంచి ఛాన్స్. బ్యాంక్ ఆఫ్ మహారాష్ట్ర (BOM) 500 జనరల్ ఆఫీసర్ (స్కేల్ II) పోస్టులకు నోటిఫికేషన్ విడుదల చేసింది. ఈ కొత్త రిక్రూట్మెంట్ కోసం ఇప్పటికే ఆన్లైన్ దరఖాస్తులను ప్రారంభించింది. ఆసక్తి కలిగిన అభ్యర్థులు వెంటనే అధికారిక వెబ్సైట్ bankofmaharashtra.inలో దరఖాస్తు ఫారమ్ లింక్ ఓపెన్ చేసి అప్లై చేసుకోండి. ఆగస్టు 30, 2025 వరకూ ఆన్లైన్లో దరఖాస్తులు సమర్పించవచ్చు.
బ్యాంక్ ఆఫ్ మహారాష్ట్ర 500 జనరల్ ఆఫీసర్ (స్కేల్ II) పోస్టులకు నియామకాలు చేపడుతోంది. ఆగస్టు 30 వరకు ఆన్లైన్లో దరఖాస్తులు సమర్పించవచ్చు. గ్రాడ్యుయేషన్ పూర్తి చేసి కనీసం 3 సంవత్సరాల అనుభవం ఉన్న అభ్యర్థులు దరఖాస్తు చేసుకోవచ్చు. వయోపరిమితి 22-35 సంవత్సరాలు. ఎంపిక ప్రక్రియలో రాత పరీక్ష, గ్రూప్ డిస్కషన్, ఇంటర్వ్యూ ఉంటాయి. జీతం రూ. 64,820 నుండి రూ. 93,960 వరకు ఉంటుంది.
అర్హత
అభ్యర్థి ఏదైనా గుర్తింపు పొందిన విశ్వవిద్యాలయం నుండి కనీసం 60% మార్కులతో డిగ్రీ కలిగి ఉండాలి. SC/ST/OBC/PwBD వర్గానికి చెందినవారికి కనీసం 55% మార్కులు ఉంటే చాలు. దరఖాస్తు చేసుకోవచ్చు. అంతేకాకుండా, చార్టర్డ్ అకౌంటెంట్ (CA) కూడా దరఖాస్తు చేసుకోవచ్చు. CMA, CFA, ICWA, JAIIB లేదా CAIIB లలో డిగ్రీ ఉన్నవారికి ప్రాధాన్యత ఉంటుంది.
దరఖాస్తు చేసుకోవడానికి, ఏదైనా ప్రభుత్వ లేదా ప్రైవేట్ బ్యాంకులో అధికారిగా కనీసం 3 సంవత్సరాల అనుభవం అవసరం. క్రెడిట్, బ్రాంచ్ మేనేజ్మెంట్ లేదా ఏదైనా నాయకత్వ పాత్రలో అనుభవం ఉన్నవారికి ప్రాధాన్యత ఇస్తారు. అభ్యర్థి వయస్సు 22 నుండి 35 సంవత్సరాల మధ్య ఉండాలి. ప్రభుత్వ నిబంధనల ప్రకారం రిజర్వ్డ్ కేటగిరీలకు వయో సడలింపు ఇవ్వబడుతుంది.
ఎలా దరఖాస్తు చేయాలి?
బ్యాంక్ ఆఫ్ మహారాష్ట్ర వెబ్సైట్ bankofmaharashtra.in కు వెళ్లి రిక్రూట్మెంట్ విభాగంపై క్లిక్ చేయండి.
అక్కడ జనరలిస్ట్ ఆఫీసర్ స్కేల్ II – ప్రాజెక్ట్ 2025-26 పై క్లిక్ చేయండి.
కొత్త రిజిస్ట్రేషన్ పై క్లిక్ చేసి ప్రాథమిక సమాచారాన్ని పూరించండి.
ఫోటో, సంతకం, సర్టిఫికెట్లను అప్లోడ్ చేయండి.
ఆన్లైన్ మోడ్ ద్వారా రుసుము చెల్లించండి.
ఫారమ్ను సమర్పించి ఒక కాపీని ప్రింటవుట్ తీసుకోండి.
దరఖాస్తు రుసుము ఎంత?
జనరల్, EWS, OBC వర్గాలకు రూ.1,180.
SC/ST/PwBD కేటగిరీకి రూ. 118.
ఎంపిక ప్రక్రియ, జీతం
అభ్యర్థులను రాత పరీక్ష, గ్రూప్ డిస్కషన్, ఇంటర్వ్యూ ద్వారా ఎంపిక చేస్తారు. ఎంపికైన అభ్యర్థికి రూ. 64,820 నుండి రూ. 93,960 వరకు ప్రాథమిక జీతం లభిస్తుంది. అదనంగా, కరువు భత్యం (DA), ఇంటి అద్దె భత్యం (HRA), నగర పరిహార భత్యం (CCA) మరియు వైద్య సౌకర్యాలు కూడా అందుతాయి.
ఈ వార్తలు కూడా చదవండి..
JNTU: ఆ ఎంఓయూతో విద్యార్థులకు మేలే..
Engineering Admissions: సీఎస్ఈలో 5,261.. కోర్లో 6,075
Read Latest Educational News
