బంగాళాఖాతంలో అల్పపీడనం.. ఏపీలో భారీ వర్షాలు పడే అవకాశం

అమరావతి, అక్టోబర్ 23: బంగాళాఖాతంలో అల్పపీడనం ఏర్పడే అవకాశాలున్నాయని.. ఈ మేరకు రాష్ట్రంలో భారీ వర్షాలు కురుస్తాయని వాతావరణ శాఖ వెల్లడించింది.

వాతావరణ నిపుణులు తెలిపిన వివరాల ప్రకారం.. బంగాళాఖాతంలో అల్పపీడనం ఏర్పడే అవకాశాలు ఉన్నాయి. ఈ అల్పపీడనం అక్టోబర్ 24 వరకు తీవ్రరూపం దాల్చి.. వాయుగుండంగా మారే అవకాశం ఉన్నట్లు తెలిపారు. ఇది అక్టోబర్ 25 వరకు మరింత తీవ్రరూపం దాల్చి తుఫానుగా మారుతుందని అధికారులు అంచనా వేస్తున్నారు. ఈ ప్రభావంతో అక్టోబర్ 26, 27, 28, 29వ తేదీల్లో ఉత్తరాంధ్రతో పాటు దక్షిణ ఒడిశా ప్రాంతాల్లో భారీ నుంచి అతి భారీ వర్షాలు కురిసే అవకాశం ఉన్నట్లు నిపుణులు వెల్లడించారు. కాగా.. రాబోయే ఈ తుఫానుకు ‘అర్నబ్’ (బెంగాళీ భాషలో మహాసముద్రం) అని నామకరణం చేసినట్లు వాతావరణ నిపుణులు తెలిపారు.

ఈ వార్తలు కూడా చదవండి:

కాకతీయ యూనివర్సిటీలో డిగ్రీ కోర్సులు డీలా..!

తెలంగాణ అభివృద్ధిలో ఎస్పీఎఫ్ పాత్ర కీలకం: భట్టి విక్రమార్క

Read Latest AP News And Telangana News And International News And Telugu News