నల్లగొండ చెరువుగట్టులో భారీ అగ్నిప్రమాదం.. 10కి పైగా దుకాణాల దగ్ధం

నల్లగొండ, జూలై 26 (ఆంధ్రజ్యోతి): జిల్లా పరిధి చెరువుగట్టు ప్రాంతంలో ఆదివారం తెల్లవారుజామున భారీ అగ్నిప్రమాదం చోటుచేసుకుంది. గుట్ట కింద ఉన్న గ్రామ పంచాయతీ కార్యాలయం సమీపంలో ఒక్కసారిగా మంటలు చెలరేగాయి. ఈ క్రమంలో రెండు గ్యాస్ సిలిండర్లు పేలడంతో మంటలు మరింత తీవ్రరూపం దాల్చి.. 10కి పైగా దుకాణాలు దగ్ధమయ్యాయి. సమాచారం అందుకున్న అగ్నిమాపక సిబ్బంది ఘటనా స్థలానికి చేరుకుని మంటలను అదుపులోకి తెచ్చే ప్రయత్నాలు చేపట్టారు.

ప్రారంభంలో చిన్న స్థాయిలో కనిపించిన మంటలు కొద్ది నిమిషాల్లోనే సమీపంలోని దుకాణాలకు వ్యాపించాయి. ఈ క్రమంలో గ్యాస్ సిలిండర్లు పేలిపోవడంతో మంటలు మరింత ఉద్ధృతంగా మారాయి. సిలిండర్ల పేలుడు శబ్దాలతో స్థానికులు భయాందోళనకు గురై ఇళ్ల నుంచి బయటకు పరుగులు తీశారు. ఈ ప్రమాదంలో దుకాణాల్లో ఉన్న సరుకులు, ఫర్నిచర్, ఇతర సామగ్రి పూర్తిగా కాలిపోవడంతో వ్యాపారులకు భారీగా ఆస్తినష్టం జరిగినట్లు తెలుస్తోంది. అయితే ప్రమాద సమయంలో దుకాణాల్లో ఉన్నవారు వెంటనే బయటకు రావడంతో ప్రాణనష్టం తప్పింది. ప్రమాదానికి గల ఖచ్చితమైన కారణం ఇంకా తెలియరాలేదు. ఈ ఘటనపై పోలీసులు, అధికారులు విచారణ ప్రారంభించారు.

ఈ వార్తలు కూడా చదవండి...

ధరణి టెండర్‌ పారదర్శకంగా జరిగిందా?

విద్యార్థుల భవిత కోసమే ఎన్టీయేలో సంస్కరణలు

Read Latest Telangana News And AP News And National News

And Telugu News