Share News

తొలి ఆసియా వికెట్‌కీపర్‌గా చరిత్ర సృష్టించిన పంత్

ABN , Publish Date - Nov 22 , 2026 | 06:59 AM

వెల్లింగ్టన్ వేదికగా న్యూజిలాండ్‌తో జరుగుతున్న తొలి టెస్టులో భారత వికెట్‌కీపర్ బ్యాటర్ రిషభ్ పంత్ (128) శతకంతో చెలరేగాడు. దీంతో దక్షిణాఫ్రికా, ఇంగ్లండ్, న్యూజిలాండ్, ఆస్ట్రేలియా దేశాల్లో టెస్టు శతకాలు చేసిన తొలి ఆసియా వికెట్ కీపర్‌గా చరిత్ర సృష్టించాడు.

తొలి ఆసియా వికెట్‌కీపర్‌గా చరిత్ర సృష్టించిన పంత్
Rishabh Pant Century

స్పోర్ట్స్ డెస్క్: వెల్లింగ్టన్ వేదికగా న్యూజిలాండ్‌తో జరుగుతున్న తొలి టెస్టులో భారత వికెట్‌కీపర్ బ్యాటర్ రిషభ్ పంత్ (128) శతకంతో చెలరేగాడు. ఆదివారం నాలుగో రోజు లంచ్ సమయానికి భారత్ 6 వికెట్ల నష్టానికి 629 పరుగులు చేసి, 261 పరుగుల భారీ ఆధిక్యంలో నిలిచింది. తొలి సెషన్‌లోనే భారత్ 143 పరుగులు రాబట్టింది. ఈ క్రమంలోనే సెంచరీ చేసిన పంత్ అరుదైన రికార్డును నమోదు చేశాడు. దక్షిణాఫ్రికా, ఇంగ్లండ్, న్యూజిలాండ్, ఆస్ట్రేలియా (సెనా) దేశాల్లో సెంచరీలు చేసిన తొలి ఆసియా వికెట్‌కీపర్‌గా పంత్ చరిత్ర సృష్టించాడు. సచిన్ టెండూల్కర్, అజారుద్దీన్, ద్రవిడ్, విరాట్ కోహ్లీ, కేఎల్ రాహుల్ తర్వాత ఈ ఘనత సాధించిన ఆరో భారత ఆటగాడిగా నిలిచాడు.


న్యూజిలాండ్ గడ్డపై శతకం బాదిన తొలి భారత వికెట్‌కీపర్‌గానూ పంత్ రికార్డుకెక్కాడు. నైట్‌వాచ్‌మన్ అన్షుల్ కాంబోజ్ (38; 42 బంతుల్లో) ఐదో వికెట్‌కు 68 పరుగులు జోడించి కివీస్ బౌలర్లపై ఒత్తిడి పెంచాడు. తొలుత నెమ్మదిగా ఆడిన పంత్.. కైల్ జెమీసన్‌ను లాంగాన్ మీదుగా భారీ సిక్సర్‌తో జోరు పెంచాడు. స్పిన్నర్ గ్లెన్ ఫిలిప్స్ బౌలింగ్‌లో రివర్స్ స్వీప్‌తో 99కి చేరిన పంత్.. ఆ తర్వాత ముందుకు వచ్చి సిక్సర్‌ బాది టెస్టుల్లో తొమ్మిదో శతకం పూర్తి చేసుకున్నాడు. ఈ క్రమంలో టెస్టు సిక్సర్ల జాబితాలో బ్రెండన్ మెకల్లమ్ (107)ను అధిగమించి, బెన్ స్టోక్స్ (138) తర్వాత రెండో స్థానానికి దూసుకెళ్లాడు. చివరకు 128 పరుగుల వ్యక్తి గత స్కోర్ వద్ద రచిన్ రవీంద్ర బౌలింగ్‌లో పంత్ ఔటయ్యాడు.


ఇవి కూడా చదవండి:

వీళ్లు సచిన్‌ను కూడా పక్కన పెడతారు.. టీమిండియా మేనేజ్‌మెంట్‌పై కైఫ్ విమర్శలు..

రాహుల్ ద్రవిడ్ రికార్డును బద్దలుకొట్టిన పడిక్కల్..

Updated Date - Nov 22 , 2026 | 06:59 AM