ట్రాఫిక్ పోలీస్‌ని కారు బానెట్‌పై ఈడ్చుకెళ్లాడు.. వీడియో వైరల్

ఇంటర్నెట్ డెస్క్: ఉత్తర్‌ప్రదేశ్‌(Uttar Pradesh)లోని గ్రేటర్ నోయిడా(Greater Noida)లో షాకింగ్ సంఘటన జరిగింది. ఓ కారు.. ట్రాఫిక్ పోలీసు(Traffic Police)ను బానెట్ పై సుమారు 500 మీటర్ల వరకూ లాక్కొని పోయింది. డ్రైవర్ ఉద్దేశపూర్వకంగానే ఈ దారుణానికి పాల్పపడినట్లు అధికారులు వెల్లడించారు. ఈ సంఘటన బుధవారం మధ్యాహ్నం జరిగినట్లు తెలుస్తోంది. ప్రస్తుతం దీనికి సంబంధించిన వీడియో వైరల్ అవుతోంది.

ట్రాఫిక్ కానిస్టేబుల్ గుర్మిత్ చౌదరి వాహనాలు తనిఖీ చేస్తున్న సమయంలో ఒక ఎర్రటి కారును ఆపమని సిగ్నల్ ఇచ్చాడు. కానీ, ఆ డ్రైవర్ కారును ఆపడానికి బదులు వేగంగా వచ్చి కానిస్టేబుల్‌ను ఢీ కొట్టాడు. దాంతో కానిస్టేబుల్ కారు బానెట్‌పై పడిపోయాడు. డ్రైవర్ కారు ఆపకుండా దాదాపు 500 మీటర్ల వరకు లాక్కెళ్లాడు. తర్వాత కారు ఆపి అక్కడ నుంచి పారిపోయాడు. ఈ సంఘటన మొత్తం పక్కనే ఉన్న వ్యక్తి రికార్డ్ చేయగా.. ఈ వీడియో సోషల్ మీడియాలో వైరల్ అయింది. ఈ ఘటనలో కానిస్టేబుల్ గుర్మీత్ చౌదరికి ఎటువంటి గాయాలు కాలేదని అధికారులు నిర్ధారించారు. డ్రైవర్ పై బీటా-2 పోలీస్ స్టేషన్‌లో కేసు నమోదు చేసినట్లు అదనపు డీసీపీ సుధీర్ కుమార్ తెలిపారు.

ఇవి కూడా చదవండి..

కాంగ్రెస్ సర్కార్ సాధించిందేమీలేదు.. ఫోన్ ట్యాపింగ్‌పై బీజేపీ ఎంపీ

ఫిబ్రవరిలో ట్రిప్ ప్లాన్ చేస్తున్నారా? ఈ ప్రదేశాలు మిస్ అవ్వొద్దు..