దేశీయ పర్యాటకంలో తీర్థయాత్రలదే అగ్రస్థానం

ABN , Publish Date - Oct 18 , 2026 | 01:02 PM

సెలవులు, ప్రత్యేక సందర్భాల్లో కుటుంబసమేతంగా యాత్రలకు వెళ్లడం ఏడాదికేడాది పెరుగుతోంది. కొందరు ఉల్లాసం కోసం, మరికొందరు ఆరోగ్యం కోసం వెళ్తున్నప్పటికీ... అధికశాతం తీర్థయాత్రలకు ఓటేస్తున్నట్టు ఇటీవల ఓ సర్వేలో తేలింది.

దేశీయ పర్యాటకంలో తీర్థయాత్రలదే అగ్రస్థానం

Tourist Hotspot

తీర్థయాత్రలకే ఓటు

సెలవులు, ప్రత్యేక సందర్భాల్లో కుటుంబసమేతంగా యాత్రలకు వెళ్లడం ఏడాదికేడాది పెరుగుతోంది. కొందరు ఉల్లాసం కోసం, మరికొందరు ఆరోగ్యం కోసం వెళ్తున్నప్పటికీ... అధికశాతం తీర్థయాత్రలకు ఓటేస్తున్నట్టు ఇటీవల ఓ సర్వేలో తేలింది. భారతీయ గణాంకాలు, కార్యక్రమాల అమలు మంత్రిత్వశాఖ (ఎంవోఎస్‌పీఐ) విడుదల చేసిన డొమెస్టిక్‌ టూరిజం ఎక్స్‌పెండీచర్‌ సర్వే (డీటీఈఎస్‌) ప్రకారం 48 శాతం తీర్థయాత్రలు చేస్తున్నట్టు తేలింది. ఆ ఆసక్తికర విశేషాలివి...

తీర్థయాత్రల నుంచి షాపింగ్‌, ఆరోగ్యం... ఇలా దేశీయంగా చేసే రాత్రి బసతో కూడిన ప్రయాణాలలో తీర్థయాత్రలకే 48 శాతం కేటాయిస్తున్నారు.
గ్రామీణవాసులు చేస్తున్న ఆరోగ్య, వైద్య సంబంధిత ప్రయాణాలు రెండో స్థానంలో ఉన్నాయి. ఈ తరహా ప్రయాణాల వాటా 38.4 శాతంగా తేలింది. అదే నగర, పట్టణవాసులు 36.4 శాతంతో వినోదం, విశ్రాంతి కోసం ప్రయాణాలు చేస్తున్నారు.

దేశీయ పర్యటనలు సాధారణంగా తక్కువ వ్యవధిలో ఉంటాయని సర్వేలో తేలింది. అది కూడా సగటున రెండు రోజులు మాత్రమే. సుమారు 80 శాతం మంది ఐదు రోజులు అంతకన్నా తక్కువ కాలం మాత్రమే బస చేస్తున్నారు.
ప్రయాణాల ప్రాధాన్యతల విషయానికొస్తే... గ్రామీణులు బస్సులను (32 శాతం) సాధారణ రవాణా సౌకర్యంగా వాడుతున్నారు. పట్టణ ప్రాంతవాసులు రైళ్లను (35 శాతం) ఆశ్రయిస్తున్నారు.

book9.2.jpg

పట్టణ ప్రాంతాలకు వెళ్లే పర్యాటకులు హోటళ్లు, గెస్ట్‌హౌజ్‌లలో విడిది చేస్తున్నారు. వీటి వాటా 36 శాతంగా ఉంది. అదే గ్రామీణులు తాత్కాలిక వసతి, స్వచ్ఛంద, ఉచిత వసతుల్లో ఉంటున్నారు.
అత్యధికులు సందర్శిస్తున్న రాష్ట్రాలో ఉత్తరప్రదేశ్‌ మొదటి స్థానంలో ఉంది. రాష్ట్రానికి చెందినవారు, బయటి నుంచి వస్తున్న ప్రయాణీకులను చూస్తే మొత్తం సందర్శనలో

ఈ రాష్ట్రం వాటా 15.7 శాతం. తర్వాతి స్థానాలలో తమిళనాడు (13.4 శాతం), రాజస్థాన్‌ (8 శాతం) ఉన్నాయి.

అన్ని ప్రయాణాలకు ఒకేవిధంగా

ఖర్చు అవ్వదు. వీటిలో ఆరోగ్యం, వైద్యం కోసం చేసే ప్రయాణాలు ఖరీదైనవిగా తేలాయి. ఇటువంటి ప్రయాణాలకు సగటున రూ. 29 వేలు (గ్రామీణం), రూ. 41 వేలు (పట్టణం) ఖర్చు అవుతోంది.