భద్రాచలంలో కార్తీకమాస శోభ.. పవిత్ర గోదావరిలో భక్తుల పుణ్యస్నానాలు

భద్రాద్రి కొత్తగూడెం జిల్లా, నవంబరు 10 (ఆంధ్రజ్యోతి): భద్రాద్రి కొత్తగూడెం జిల్లా భద్రాచలంలో కార్తీకమాస ఆధ్యాత్మిక శోభ సంతరించుకుంది. పవిత్ర గోదావరి నది తీరంలో ఈరోజు (మంగళవారం) తెల్లవారుజాము నుంచే భక్తుల సందడి నెలకొంది. కార్తీకమాసం సందర్భంగా పెద్దసంఖ్యలో భక్తులు గోదావరి నదికి చేరుకుని పుణ్యస్నానాలు ఆచరించారు. అనంతరం భక్తిశ్రద్ధలతో గోదావరి మాతకు ప్రత్యేక పూజలు నిర్వహించారు.

కార్తీకమాస పవిత్రతను పురస్కరించుకుని భక్తులు నదీ తీరంలో దీపాలు వెలిగించి, ఆ దీపాలను గోదావరి నదిలో వదిలారు. నదిలో తేలియాడుతున్న దీపాల కాంతులతో గోదావరి తీరం ఆధ్యాత్మిక వెలుగులతో మెరిసిపోయింది. భక్తుల హరిహర నామస్మరణలు, పూజలు, దీపారాధనలతో భద్రాచలం పరిసర ప్రాంతాలు భక్తిమయంగా మారాయి.

గోదావరిలో పుణ్యస్నానాలు ఆచరించిన అనంతరం భక్తులు భద్రాచలం సీతారామచంద్రస్వామి ఆలయ ఉపాలయమైన కాశీ అన్నపూర్ణేశ్వర ఆలయాన్ని దర్శించుకున్నారు. అమ్మవారికి ప్రత్యేక పూజలు నిర్వహించి మొక్కులు చెల్లించుకుంటున్నారు. కార్తీకమాసం సందర్భంగా భద్రాచలంలో భక్తుల రాకతో ఆలయాలు, గోదావరి తీరం కిటకిటలాడుతున్నాయి. భక్తి, ఆధ్యాత్మికత, దీపాల వెలుగులతో భద్రాచలం కార్తీకమాస వైభవాన్ని చాటుతోంది.

ఈ వార్తలు కూడా చదవండి..

కూటమి సర్కార్ కీలక నిర్ణయం.. ఏపీ ఎండీసీకి రూ.115 కోట్ల గ్యారెంటీ మంజూరు

స్థానిక ఎన్నికల ఫలితాలను వైసీపీ నేతలు జీర్ణించుకోలేకపోతున్నారు.. మంత్రి ఆనం ధ్వజం

సహకార సంఘాల ఎన్నికలకు ఏపీ ప్రభుత్వం కసరత్తు..!

Read Latest Telangana News And AP News And National News

And Telugu News