Fire Accident: కంచికచర్ల తహసీల్దార్ కార్యాలయంలో అగ్నిప్రమాదం..

ఎన్టీఆర్ జిల్లా, జనవరి9 (ఆంధ్రజ్యోతి): ఎన్టీఆర్ జిల్లా కంచికచర్లలోని తహసీల్దార్ కార్యాలయంలో ఇవాళ(శుక్రవారం) భారీ అగ్నిప్రమాదం చోటు చేసుకుంది. కార్యాలయ భవనంలోని స్టోర్ రూమ్‌లో ఒక్కసారిగా మంటలు వ్యాపించాయి. కార్యాలయం లోపలి నుంచి భారీగా పొగలు రావడం గమనించిన సిబ్బంది.. వెంటనే ఫైర్ స్టేషన్‌కు సమాచారం అందించారు.

ఘటనా స్థలానికి చేరుకున్న ఫైర్ సిబ్బంది..

సమాచారం అందుకున్న వెంటనే అగ్నిమాపక అధికారులు ఘటనా స్థలానికి చేరుకుని మంటలను అదుపులోకి తీసుకొచ్చారు. ఫైర్ సిబ్బంది వేగంగా స్పందించడంతో పెద్ద ప్రమాదం తప్పిందని అధికారులు తెలిపారు.

పలు రికార్డులు దగ్ధం..

అగ్నిప్రమాదంలో స్టోర్ రూమ్‌లో భద్రపరిచిన పలు ప్రభుత్వ రికార్డులు కాలిపోయినట్లు ప్రాథమిక సమాచారం. అయితే ఏ రకమైన రికార్డులు, ఎంత నష్టం జరిగిందనే వివరాలు అధికారికంగా వెల్లడికాలేదు.

కారణాలపై దర్యాప్తు..

ఈ అగ్నిప్రమాదం షార్ట్ సర్క్యూట్ కారణంగా జరిగిందా? లేక మరే ఇతర కారణాలున్నాయా? అనే విషయాలపై అధికారులు విచారణ చేపట్టారు. పూర్తి స్థాయి దర్యాప్తు అనంతరం అసలు కారణాలు వెల్లడయ్యే అవకాశం ఉంది.

ఎలాంటి ప్రాణ నష్టం లేదు..

ఈ ఘటనలో ఎలాంటి ప్రాణ నష్టం జరగకపోవడం ఊరట కలిగించే విషయం. అయితే ప్రభుత్వ రికార్డులు దగ్ధమవడంపై ఆందోళన వ్యక్తమవుతోంది.

అధికారులు అప్రమత్తం..

ఈ ఘటనపై రెవెన్యూ శాఖ, ఫైర్ శాఖ అధికారులు సమీక్ష చేపట్టారు. భవిష్యత్తులో ఇలాంటి ఘటనలు పునరావృతం కాకుండా అవసరమైన భద్రతా చర్యలు తీసుకుంటామని పేర్కొన్నారు.

ఈ వార్తలు కూడా చదవండి...

ఏపీ కేబినెట్ భేటీ.. పలు కీలక అంశాలపై సీఎం చంద్రబాబు చర్చ

భక్తులకు అలర్ట్.. ఆ దర్శనాలపై టీటీడీ కీలక ప్రకటన..

Read Latest AP News And Telugu News