India Pakistan War: భారత్ - పాక్ యుద్ధంపై ప్రపంచదేశాల డేగకన్ను.. ఎందుకంటే..

India-china-Pakistan: భారత్, పాకిస్తాన్ మధ్య జరుగుతున్న యుద్ధం మీద ప్రపంచ దేశాలు కన్నేశాయి. ముఖ్యంగా చైనా, అమెరికా, ఫ్రాన్స్, రష్యా, ఇజ్రాయెల్ ఈ యుద్ధంపై డేగ కన్ను వేశాయి. ఎందుకంటే, ఇప్పటికే నిరూపితమైన పాశ్చాత్య యుద్ధ సామాగ్రికి వ్యతిరేకంగా అధునాతన చైనా సైనిక సాంకేతికత ఎలా పనిచేస్తుందో తెలిసొచ్చే సమయం కావడంతో దీనిపై అన్ని దేశాలు ప్రత్యేక దృష్టి సారించాయి.

బుధవారం జరిగిన భారత - పాక్ వైమానిక యుద్ధంలో అధునాతన ఫ్రెంచ్ నిర్మిత రాఫెల్‌తో సహా భారతీయ యుద్ధ విమానాలను కూల్చివేసేందుకు AVIC-ఉత్పత్తి చేసిన J-10C ఫైటర్ జెట్‌లను ఉపయోగించినట్లు పాకిస్తాన్ చెప్పుకొచ్చింది. (అయితే, ఇందులో వాస్తవం లేదు). ఈ రూమర్ తో చైనా యొక్క AVIC చెంగ్డు ఎయిర్‌క్రాఫ్ట్ షేర్లు 40% పెరిగాయి.

పాకిస్తాన్ చేసిన వాదనలను భారతదేశం అంగీకరించలేదు. అటు, చైనా తయారీ జెట్‌ల ప్రమేయం గురించి అడిగినప్పుడు, చైనా విదేశాంగ మంత్రిత్వ శాఖ ప్రతినిధి కూడా ఏం స్పందించలేదు. దాని గురించి తనకు తెలియదని చెప్పేశారు. అయినప్పటికీ, పాకిస్తాన్‌కు ప్రధాన ఆయుధ సరఫరాదారుగా, చైనా తన ఆయుధ వ్యవస్థలు నిజమైన యుద్ధంలో ఎలా పని చేస్తాయో తెలుసుకోవడానికి యుద్ధాన్ని నిశితంగా గమనిస్తోంది.

కాగా, ఇటీవల కాలంలో సైనిక సూపర్ పవర్‌గా ఎదుగుతున్న చైనా నాలుగు దశాబ్దాలకు పైగా పెద్ద యుద్ధం చేయలేదు. కానీ నాయకుడు జి జిన్‌పింగ్ ఆధ్వర్యంలో, అది తన సాయుధ దళాలను వేగంగా ఆధునీకరించింది. అధునాతన ఆయుధాలు, అత్యాధునిక సాంకేతిక పరిజ్ఞానాలను అభివృద్ధి చేయడానికి భారీగా వనరులను ఖర్చుచేసింది.

ఆ ఆధునికీకరణ డ్రైవ్‌ను బీజింగ్ చేపట్టడంతో పాకిస్థాన్ చైనాను తన "ఇనుప కవచ సోదరుడు" ఐరన్ కర్టెన్ బ్రదర్ గా చాలా కాలంగా ప్రశంసిస్తోంది. స్టాక్‌హోమ్ ఇంటర్నేషనల్ పీస్ రీసెర్చ్ ఇన్‌స్టిట్యూట్ (SIPRI) డేటా ప్రకారం, గత ఐదు సంవత్సరాలుగా, పాకిస్తాన్ దిగుమతి చేసుకున్న ఆయుధాలలో 81% చైనా సరఫరా చేసింది.

ఆ ఎగుమతుల్లో అధునాతన యుద్ధ విమానాలు, క్షిపణులు, రాడార్లు, వైమానిక రక్షణ వ్యవస్థలు ఉన్నాయి. ఇవి పాకిస్తాన్, భారత్ మధ్య యుద్ధంలో కీలక పాత్ర పోషిస్తాయని నిపుణులు అంటున్నారు. కొన్ని పాకిస్తాన్ తయారు చేసిన ఆయుధాలను కూడా చైనా సంస్థలతో కలిసి అభివృద్ధి చేశారు.. లేదా చైనీస్ సాంకేతికత ఇంకా నైపుణ్యంతో నిర్మించారు.

"ఇండియా - పాకిస్తాన్ మధ్య యుద్ధం చైనా సైనిక ఎగుమతులకు వాస్తవ పరీక్షగా మారుతుంది" అని లండన్‌లోని థింక్ ట్యాంక్ అయిన ఆసియా-పసిఫిక్ ఫౌండేషన్‌లో అంతర్జాతీయ భద్రతా డైరెక్టర్ సజ్జన్ గోహెల్ అన్నారు. "ఇది ఇకపై ద్వైపాక్షిక ఘర్షణ మాత్రమే కాదు; చైనా రక్షణ ఎగుమతులు ప్రాంతీయ నిరోధకతను ఎలా పునర్నిర్మిస్తున్నాయో ఇది ఒక సంగ్రహావలోకనం." అంటున్నారు.

కాగా, 1947లో బ్రిటన్ నుండి స్వాతంత్ర్యం పొందినప్పటి నుండి భారత్ - పాకిస్తాన్ మూడుసార్లు కాశ్మీర్ కోసం యుద్ధానికి దిగాయి. ఇరుదేశాల మధ్య కోల్డ్ వార్ తీవ్రస్థాయిలో ఉన్నప్పుడు, సోవియట్ యూనియన్ భారతదేశానికి మద్దతు ఇవ్వగా, యునైటెడ్ స్టేట్స్, చైనా.. పాకిస్తాన్‌కు మద్దతు ఇచ్చాయి.

సాంప్రదాయ అలీన విధానం ఉన్నప్పటికీ, వరుసగా వచ్చిన అమెరికన్ ప్రభుత్వాలు భారత్ ను మిత్రదేశంగా మార్చుకున్నాయి. దక్షిణాసియా దిగ్గజమైన చైనాకు వ్యూహాత్మక ప్రతిఘటన ఇచ్చేందుకు ఈ మార్గాన్ని ఎంచుకున్నాయి. దీంతో భారత్ అమెరికాకు మరింత దగ్గరైంది. భారత్.. అమెరికా ఇంకా దాని మిత్రదేశాలైన ఫ్రాన్స్, ఇజ్రాయెల్ నుండి ఆయుధాల కొనుగోళ్లను పెంచింది. అదే సమయంలో రష్యా ఆయుధాలపై ఆధారపడటాన్ని క్రమంగా తగ్గించింది.

ఇంతలో, పాకిస్తాన్ చైనాతో సంబంధాలను మరింతగా పెంచుకుంది. తన వ్యూహాత్మక భాగస్వామిగా Xi సంతకం చేసిన ప్రపంచ మౌలిక సదుపాయాల ప్రాజెక్టు అయిన బెల్ట్ అండ్ రోడ్ ఇనిషియేటివ్‌లో కీలక భాగస్వామిగా పాకిస్థాన్ మారింది. SIPRI డేటా ప్రకారం, 2000ల చివరలో US, చైనా పాకిస్తాన్ దిగుమతి చేసుకున్న ఆయుధాలలో మూడింట ఒక వంతును సరఫరా చేశాయి.

కానీ పాకిస్తాన్ ఇటీవలికాలంలో అమెరికన్ ఆయుధాలను కొనడం ఆపివేసింది. తన ఆయుధశాలను చైనా ఆయుధాలతో నింపింది. పాకిస్థాన్ తాలీబాన్ సహా ఉగ్రవాదాన్ని అరికట్టడంలో అలసత్వం ప్రదర్శిస్తుందని అమెరికా వ్యాఖ్యానిస్తుండటం కూడా ఈ ఆ రెండు దేశాల మధ్య మితృత్వం బాగా దెబ్బతినడానికి కారణమైంది.

ఇవి కూడా చదవండి

India Pakistan Tension: భారత్-పాకిస్తాన్ ఉద్రిక్తత వేళ జమ్మూ నుంచి ఢిల్లీకి మూడు ప్రత్యేక రైళ్లు

Virat Kohli: సైనికుల సేవలకు హృదయపూర్వక ధన్యవాదాలు..జై జవాన్‌కు జై కోహ్లీ

RSS: దేశ భద్రత విషయంలో ప్రతి భారతీయుడు భాగస్వామ్యం కావాలి: ఆర్ఎస్ఎస్..

మరిన్ని జాతీయ, తెలుగు వార్తల కోసం క్లిక్ చేయండి