Jewellery Pink Paper: బంగారం, వెండి ఆభరణాలను పింక్ పేపర్లోనే ఎందుకు చుడతారో తెలుసా?

బంగారు ఆభరణాలు కొనడం ఎవరికి మాత్రం ఇష్టం ఉండదు ? ప్రతి ఒక్కరూ బంగారం, వెండి ఆభరణాలను ధరించడాన్ని హోదాకు ప్రతీకగా చూస్తారు. ముఖ్యంగా భారతీయులు బంగారంపై పెట్టుబడి పెట్టడాన్ని సురక్షితంగా భావిస్తారు. అక్షయతృతీయ, పెళ్లిళ్లు, ఇతర ప్రత్యేక సందర్భాల్లో ప్రజల బంగారం, వెండి ఆభరణాలను విరివిగా కొంటారు. అయితే, ప్రతి ఒక్కరూ ఈ విషయాన్ని తప్పక గమనించే ఉంటారు. చిన్న బంగారు దుకాణాల నుంచి మొదలుకుని పెద్ద ఆభరణాల దుకాణాల వరకు ఎక్కడ ఆభరణాలు కొనుగోలు చేసినా వారు వాటిని పింక్ కాగితంలో లేదా క్యారీ బ్యాగ్‌తో చుట్టి ఉంచుతారు. నగలు పింక్ కాగితంలో ఎందుకు చుడతారో మీకు తెలుసా? దీని వెనుక నిర్దిష్ట కారణం ఏంటి?

ఆభరణాలను గులాబీ రంగు కాగితంలో ఎందుకు చుడతారు?

బంగారం లేదా వెండి ఆభరణాలు కొనేటప్పుడు, దానిని గులాబీ రంగు కాగితంలో చుట్టి ఒక పెట్టెలో ఉంచుతారు. గులాబీ రంగు కాగితం మాత్రమే ఎందుకు ఉపయోగిస్తారు? ఎరుపు, నీలం మొదలైన రంగుల కాగితం ఎందుకు ఉపయోగించరో తెలుసుకుందాం.

శతాబ్దాల నాటి సంప్రదాయం

వాస్తవానికి బంగారం, వెండిని పింక్ కలర్ పేపర్లో చుట్టడం వెనుక నిర్దిష్ట కారణం లేదు. కానీ, శతాబ్దాలుగా మన పూర్వీకులు ఇదే సంప్రదాయాన్ని అనుసరిస్తున్నారు. పురాతన కాలం నుండి ఆభరణాల వ్యాపారులు గులాబీ కాగితంలోనే ఆభరణాలను చుట్టేవారు. ఎందుకంటే మన సంప్రదాయంలో ఎరుపు, గులాబీ రంగులను శుభప్రదంగా భావిస్తారు. అంతేగాక కాగితంలో చుట్టి ఉంచితే నగలపై గీతలు పడవు.

మెటాలిక్ షీన్

• కొన్ని పరిశోధనల ప్రకారం గులాబీ రంగు కాగితంలో కొంచెం మెటాలిక్ షీన్ ఉంటుంది. దీనివల్ల నగలు మరింత మెరుస్తాయి. నలుపు, తెలుపు మొదలైన కాగితంపై ఉంచినప్పుడు నగలు అంత ఆకర్షణీయంగా లేదా మెరుస్తూ కనిపించవు. అవును, తెల్ల కాగితంపై బంగారం కొంచెం నిస్తేజంగా కనిపిస్తుంది. నలుపు లేదా నీలం కాగితంపై నగలు అంత ఆకర్షణీయంగా కనిపించవు.

• అలాగే, రంగు కాగితం రసాయనాలను లీచ్ చేయగలదు. ఇది లోహాన్ని దెబ్బతీస్తుంది. వాటికి మసకబారకుండా నిరోధించే పూత ఉండదు. అంటే ఈ రంగులలో ప్యాక్ చేయబడిన బంగారం త్వరగా దాని మెరుపును కోల్పోతుంది. అందువల్ల, భద్రత, మెరుపు కోసం ఆభరణాలను గులాబీ కాగితంలో చుట్టి ఉంచుతారు. గాలి, తేమ, ధూళి వంటి బాహ్య కారకాల నుండి బంగారాన్ని రక్షించడంలో సహాయపడే శాస్త్రీయంగా సురక్షితమైన ఎంపిక పింక్ కాగితం. ఇది బంగారం మెరుపు చాలా కాలం పాటు చెక్కుచెదరకుండా ఉండేలా చేస్తుంది.

• మరో విషయం ఏమిటంటే గులాబీ రంగు చాలా ఆకర్షణీయంగా ఉంటుంది. ఏదైనా బహుమతిని గులాబీ రంగులో ప్యాక్ చేస్తే అది అందరి దృష్టిని ఆకర్షిస్తుంది. చాలా అందంగా, మెరుస్తూ కనిపిస్తుంది. అందుకే బంగారం లేదా వెండి ఆభరణాలను చుట్టడానికి తరచుగా గులాబీ కాగితాన్ని ఎంచుకుంటారు. ఇది వాటి మెరుపును మరింత పెంచుతుంది.

(NOTE: ఇంటర్నెట్‌లో సేకరించిన సమాచారం ఆధారంగా ఈ వివరాలు మీకు అందించటం జరిగింది. ఇందులోని అంశాలు కేవలం అవగాహన కోసం మాత్రమే. తదుపరి జరిగే ఎలాంటి పరిణామాలకు ABN ఆంధ్రజ్యోతి బాధ్యత వహించదు.)

Also Read:

వినాయక చవితి స్పెషల్.. సోషల్ మీడియాలో మీ ప్రేమను ఇలా వ్యక్తపరచండి!

వినాయకుడి విగ్రహాన్ని ఇక్కడ మాత్రం ఉంచవద్దు.. ఎందుకంటే..

For More Devotional News