Kutami: మా కాంబినేషన్‌ సూపర్ : చంద్రబాబు

ప.గో.జిల్లా: ‘నాకు అనుభవం ఉంది. పవన్‌కు పవర్‌ ఉంది. ప్రధాని మోదీకి దేశాన్ని ప్రపంచంలోనే అగ్రగామిగా చేయాలన్న సంకల్పం ఉంది. ఇది ప్రారంభం మాత్రమే. అగ్నికి వాయువు తోడైంది. ప్రజాగ్రహానికి వారాహి జత కలిసింది. జగన్‌ అనే అహంకారాన్ని బూడిద చేస్తుంది. ఐదు కోట్ల మంది ఆంధ్ర ప్రజలకు చెబుతున్నా.. సైకిల్‌ స్పీడుకు తిరుగులేదు.. గ్లాస్‌ జోరుకు ఎదురులేదు.. కమల వికాసానికి అడ్డే లేదు.. మా కాంబినేషన్‌ సూపర్‌’ అంటూ టీడీపీ అధినేత నారా చంద్రబాబునాయుడు వ్యాఖ్యానించారు. పశ్చిమ గోదావరి జిల్లా తణుకు, నిడవవోలు బహిరంగ సభల్లో చంద్రబాబు, పవన్, పురందేశ్వరి ప్రసంగించారు. భారీ రోడ్‌షోలు నిర్వహించారు. వారికి అశేష జనవాహిని స్వాగతం పలికింది.