TDP: చంద్రబాబు ప్రజాగళం సభా దృశ్యాలు..

కర్నూలు జిల్లా: తెలుగు ప్రజలు నేడు రాతియుగంలో ఉన్నారని, వారిని స్వర్ణయుగంలోకి తెచ్చేందుకు కూటమి అధికారంలోకి రావాలని, కులం, మతం, ప్రాంతం అని చూడకుండా సమర్థులు, పాలనాదక్షులను ఎన్నుకోవాలని తెలుగుదేశం అధినేత, మాజీ సీఎం నారా చంద్రబాబు నాయుడు ప్రజలకు పిలుపిచ్చారు. ఆదివారం కర్నూలు జిల్లా ఎమ్మిగనూరు, ప్రకాశం జిల్లా మార్కాపురం, బాపట్ల జిల్లా కేంద్రంలో జరిగిన భారీ బహిరంగ సభల్లో ఆయన ప్రసంగించారు. జగన్‌ నిర్వాకంతో రాష్ట్రం అప్పుల ఊబిలో కూరుకుపోయి ఖజానా ఖాళీ అయిందని విమర్శించారు. అప్పు చేయకపోతే పూటగడవని స్థితికి ప్రభుత్వం చేరుకుందన్నారు. ప్రస్తుతం పింఛన్లు ఇవ్వడానికి కూడా డబ్బులేక.. ఆ నెపం టీడీపీపై మోపే ప్రయత్నం చేస్తున్నారని చంద్రబాబు ధ్వజమెత్తారు.