Crime News: బెడ్రూంలో 22 ఏళ్ల యువతి మృతదేహం.. మంచంపై నుంచి కిందకు దించుతోంటే బయటపడిన కాగితం.. ఏం రాసి ఉందో చదివి..!
ABN , First Publish Date - 2023-05-16T18:12:27+05:30 IST
యువతీయువకులకు ఎక్కువగా ప్రేమ వ్యవహారాల్లోనే గొడవలు తలెత్తుంటాయి. ప్రేమించలేదని కొందరు, వివాహేతర సంబంధాలు పెట్టుకున్నారని మరికొందరు ఒకరిపై ఇంకొకరు కోపం పెంచుకుంటూ ఉంటారు. ఈ క్రమంలో చివరకు కొందరు దారుణాలకు పాల్పడుతుంటారు. తాజాగా..
యువతీయువకులకు ఎక్కువగా ప్రేమ వ్యవహారాల్లోనే గొడవలు తలెత్తుంటాయి. ప్రేమించలేదని కొందరు, వివాహేతర సంబంధాలు పెట్టుకున్నారని మరికొందరు ఒకరిపై ఇంకొకరు కోపం పెంచుకుంటూ ఉంటారు. ఈ క్రమంలో చివరకు కొందరు దారుణాలకు పాల్పడుతుంటారు. తాజాగా, రాజస్థాన్‌లో ఇలాంటి ఘటనే వెలుగులోకి వచ్చింది. బెడ్రూంలో 22 ఏళ్ల యువతి మృతదేహాన్ని పోలీసులు స్వాధీనం చేసుకున్నారు. అయితే మంచంపై నుంచి మృతదేహాన్ని కిందకు దింపే క్రమంలో ఓ కాగితం బయటపడింది. అందులో రాసింది చూసిన పోలీసులు చివరకు ఏం చేశారంటే..
రాజస్థాన్ (Rajasthan) సవాయ్ మాధోపూర్ జిల్లా బర్వాడా పోలీస్ స్టేషన్ పరిధి శివద్ ప్రాంతంలో ఈ ఘటన చోటు చేసుకుంది. స్థానిక ప్రాంతానికి చెందిన అజయ్ అనే యువకుడికి.. ఇదే ప్రాంతానికి చెందిన పూజ బైర్వా (22) అనే యువతితో (young woman) పరిచయం ఏర్పడింది. అజయ్ ఆమెపై ప్రేమ (love) పెంచుకున్నాడు. ఇదే విషయాన్ని ఆమెకు చెప్పాలని ప్రయత్నిస్తూ ఉండేవాడు. ఇటీవల ఓ రోజు పూజకు ఫోన్ చేసి.. ‘‘నివ్వంటే నాకు ఇష్టం.. ఐ లవ్ యూ’’.. అని చెప్పాడు. ఇందుకు ఆమె ‘‘ నిన్ను నేను ఆ ఉద్దేశంతో చూడలేదు.. దయచేసి ఇలాంటి పనులు మానుకో’’.. అని చెప్పడంతో అజయ్ మానసిక ఒత్తిడికి గురయ్యాడు.
యువతిని తరచూ కలుస్తూ.. పదే పదే ఫోన్లు చేస్తూ ప్రేమించాలంటూ వెంటపడేవాడు. దీంతో విసిగిపోయిన యువతి.. ఇటీవల తీవ్ర ఆగ్రహం వ్యక్తం చేస్తూ.. ‘‘ఇంకోసారి నాకు ఫోన్ చేశావంటే మర్యాదగా ఉండదు’’.. అని గట్టిగా మందలించింది. అప్పటినుంచి అజయ్ ఆమెపై పగ పెంచుకున్నాడు. దీనికితోడు ఇటీవల సదరు యువతి రాజు అనే యువకుడిని ప్రేమిస్తోందని విని మరింత పగ పెంచుకున్నాడు. ఎలాగైనా పూజను హత్య చేయాలని నిర్ణయించుకున్నాడు. మే 11న రాత్రి యువతి ఇంట్లోకి ప్రవేశించి, ఇదే విషయమై గొడవ పెట్టుకున్నాడు. ఈ క్రమంలో ఒక్కసారిగా కత్తితో (man Attack on young woman) ఆమెపై దాడి చేశాడు.
ఈ దాడిలో యువతి అక్కడికక్కడే మృతి చెందింది. ఈ కేసును రాజు మీద వెళ్లేలా చేసేందుకు.. ఓ కాగితంపై రాజు పేరు రాసి మంచం కింద పడేశాడు. సమాచారం అందుకున్న పోలీసులు సంఘటన స్థలాన్ని పరిశీలించారు. ఈ క్రమంలో కాగితంపై ఉన్న పేరు చూసి రాజును అదుపులోకి తీసుకుని ప్రశించారు. చివరగా పూజ ఫోన్ కాల్స్ లిస్ట్ పరిశీలించడంతో అజయ్ పేరు బయటికి వచ్చింది. చివరకు అతన్ని అదుపులోకి తీసుకుని గట్టిగా విచారించడంతో నేరం అంగీకరించాడు. అతడిపై వివిధ సెక్షన్ల కింద కేసులు నమోదు చేసిన పోలీసులు దర్యాప్తు చేస్తున్నారు. ఈ ఘటన స్థానికంగా తీవ్ర చర్చనీయాంశంగా మారింది.
