‘గిరిజన’ సమావేశం ఏర్పాటుకు చర్యలు తీసుకోండి

• గవర్నర్‌కు బీజేపీ సీనియర్‌ నేత విద్యాసాగర్‌రావు విజ్ఞప్తి

హైదరాబాద్‌, అక్టోబరు 9 (ఆంధ్రజ్యోతి): గిరిజన సలహా మండలి (టీఏసీ) సమావేశం ఏర్పాటుకు చర్యలు తీసుకోవాలని గవర్నర్‌ శివప్రతాప్‌ శుక్లాను మహారాష్ట్ర మాజీ గవర్నర్‌ సీహెచ్‌ విద్యాసాగర్‌రావు కోరారు. ఏకలవ్య ఫౌండేషన్‌ నిర్వాహకులు వేణుగోపాల్‌రెడ్డితో కలిసి విద్యాసాగర్‌రావు శుక్రవారం లోక్‌భవన్‌లో గవర్నర్‌తో సమావేశమయ్యారు. ఈ సందర్భంగా విద్యాసాగర్‌రావు మాట్లాడుతూ.. షెడ్యూల్డ్‌ ప్రాంతాల్లో గిరిజనుల హక్కులను పరిరక్షించాల్సిన అవసరం ఉందన్నారు.

దీర్ఘకాలికంగా పెండింగ్‌లో ఉన్న కోనేరు రంగారావు కమిటీ సిఫారసుల అమలు, షెడ్యూల్డ్‌ ప్రాంతాల్లో భూ వివాదాలు- పరిష్కారం, భూ పంపిణీ ప్రక్రియ వేగవంతం, గిరిజనులకు అసైన్డ్‌ భూముల కేటాయింపు వంటి కీలక అంశాలపై చర్చించి పరిష్కారం కనుగొనాల్సిన ఆవశ్యకత ఉందని అభిప్రాయపడ్డారు. గిరిజన సంక్షేమశాఖ ఆధ్వర్యంలో పథకాల అమలు పక్కాగా కొనసాగించాల్సిన అవసరం ఉందన్నారు.

ఈ వార్తలు కూడా చదవండి:

బోధనాస్పత్రుల్లో వెల్‌నెస్‌ కేంద్రాలు
సీఎంఆర్‌ ధాన్యం దారిమళ్లింపు.. మిల్లు భాగస్వాములపై కేసు!

స్వచ్ఛంద సమాచార వెల్లడితో.. ఆర్టీఐ దరఖాస్తుల భారం తగ్గుతుంది!
Read Latest AP News And Telangana News And International News And Telugu News