గోల్కొండ జోన్‌లో పోలీసుల కార్డెన్ సెర్చ్

ఇంటర్నెట్ డెస్క్: హైదరాబాద్‌లో గోల్కొండ జోన్ పరిధిలో పోలీసులు విస్తృత స్థాయిలో కార్డెన్ సెర్చ్ ఆపరేషన్ నిర్వహించారు. మంగళహాట్ పోలీస్ స్టేషన్ పరిధిలోని పలు బస్తీల్లో ఈ తనిఖీలు చేపట్టారు. ఉదయం 5 గంటల నుంచే సుమారు 200 మంది పోలీసులతో ఈ ఆపరేషన్ ప్రారంభమైంది.

డ్రగ్స్, గంజాయి నిర్మూలన లక్ష్యంగా ఈ కార్డెన్ సెర్చ్ నిర్వహించినట్లు పోలీసులు తెలిపారు. ముఖ్యంగా మంగళహాట్ ప్రాంతంలోని అప్పర్ దులుపేట్, టక్కర్ వాడి, లాల్ భవన్, జింగుర్ బస్తి తదితర ప్రాంతాల్లో ఇంటింటికీ వెళ్లి తనిఖీలు చేపట్టారు. ఈ ఆపరేషన్‌లో భాగంగా మొత్తం 10 డొమెస్టిక్ సిలిండర్లు, 7 కమర్షియల్ సిలిండర్లు, 79 చిన్న సిలిండర్లు పట్టుబడ్డాయి. అదేవిధంగా బెల్ట్ షాపుల నుంచి 41 లీటర్ల బీర్, 8 లీటర్ల విస్కీని స్వాధీనం చేసుకున్నారు.

అదనంగా, 3 ఆటోల్లో తరలిస్తున్న 15 చిన్న సిలిండర్లను కూడా పోలీసులు పట్టుకున్నారు. ఎలాంటి ధ్రువీకరణ పత్రాలు లేని, నెంబర్ ప్లేట్లు లేని 28 ద్విచక్రవాహనాలను సీజ్ చేశారు. ఈ కార్డెన్ సెర్చ్ ద్వారా అక్రమ కార్యకలాపాలను అరికట్టడం లక్ష్యమని పోలీసులు తెలిపారు. ఇటువంటి తనిఖీలు భవిష్యత్తులో కూడా కొనసాగుతాయని స్పష్టం చేశారు.

Also Read:

ఆఫీసులో గంటల తరబడి కూర్చుంటున్నారా? మీ ఆరోగ్యం ప్రమాదంలో ఉన్నట్టే!

ప్రకృతి ప్రసాదించిన యాంటీ బయాటిక్స్.. రోగనిరోధక శక్తిని పెంచే 'సూపర్ మసాలాలు' ఇవే!

For More Latest News