నార్సింగిలో రోడ్డు ప్రమాదం.. డివైడర్‌ను ఢీకొట్టి షాపుల్లోకి దూసుకెళ్లిన కారు

హైదరాబాద్, సెప్టెంబర్ 18: నగర సమీపంలోని నార్సింగిలో రోడ్డు ప్రమాదం చోటుచేసుకుంది. అతివేగంతో వచ్చిన కారు.. అదుపుతప్పి డివైడర్‌ను ఢీకొట్టి ఎదురుగా ఉన్న షాపుల్లోకి దూసుకెళ్లింది. ఈ ప్రమాదంలో పలువురికి గాయాలు కాగా.. షాపులు ధ్వంసమై భారీ ఆస్తినష్టం సంభవించింది.

స్థానికులు తెలిపిన కథనం ప్రకారం.. నార్సింగి ప్రధాన రహదారిపై ఓ ఇన్నోవా కారు అతివేగంతో దూసుకెళ్లింది. అదుపుతప్పి డివైడర్‌ను ఢీకొట్టి.. ఎదురుగా ఉన్న దుకాణాల్లోకి దూసుకెళ్లింది. ఈ ప్రమాదంలో పలువురికి గాయాలయ్యాయి. షాపులన్నీ ధ్వంసమయ్యాయి. ప్రమాదం ధాటికి కారు ముందుభాగం పూర్తిగా నుజ్జునుజ్జు అయింది. సమాచారం అందుకున్న పోలీసులు ఘటనాస్థలానికి చేరుకుని ప్రమాదం జరిగిన తీరును పరిశీలించారు. ఈ మేరకు కేసు నమోదు చేసుకుని దర్యాప్తు చేపట్టారు. అకస్మాత్తుగా జరిగిన ఈ ప్రమాదంతో స్థానికులు భయబ్రాంతులకు గురయ్యారు.

ఈ వార్తలు కూడా చదవండి..

దానం నాగేందర్‌పై అనర్హత వేటు.. కేటీఆర్ రియాక్షన్

టీజీఎస్ ఆర్టీసీలో మోగిన ఎన్నికల నగారా

For More TG News And Telugu News