20 రోజుల పాటు ట్రాఫిక్ ఆంక్షలు
ABN , Publish Date - Jul 16 , 2026 | 10:37 AM
సైబరాబాద్ కమిషనరేట్ పరిధిలోని వైశాలీనగర్ రైల్వే అండర్పాస్ వద్ద రోడ్డు విస్తరణ, వాటర్ డ్రెయిన్ నిర్మాణ పనులు చేపట్టనున్న నేపథ్యంలో 20 రోజుల పాటు అండర్పాస్ను పూర్తిగా మూసివేస్తున్నారు.
వైశాలీనగర్ రైల్వే అండర్పాస్ వద్ద నేటి నుంచి వాహనాల మళ్లింపు
రోడ్డు విస్తరణ, స్ర్టామ్ వాటర్ డ్రెయిన్ నిర్మాణ పనుల నేపథ్యంలో అధికారుల నిర్ణయం
హైదరాబాద్ సిటీ: సైబరాబాద్ కమిషనరేట్ పరిధిలోని వైశాలీనగర్ రైల్వే అండర్పాస్ వద్ద రోడ్డు విస్తరణ, వాటర్ డ్రెయిన్ నిర్మాణ పనులు చేపట్టనున్న నేపథ్యంలో జూలై 16 నుంచి 20 రోజుల పాటు అండర్పాస్ను పూర్తిగా మూసివేస్తున్నట్లు జాయింట్ కమిషనర్ ఆఫ్ పోలీస్ (ట్రాఫిక్) సన్ప్రీత్ సింగ్ ఒక ప్రకటనలో తెలిపారు. వైశాలీనగర్ రైల్వే అండర్పాస్ ప్రస్తుతం ఇరుకుగా ఉండటంతో పాటు, భారీ వర్షాల సమయంలో నీరు నిలిచిపోయి వాహనదారులకు తీవ్ర అసౌకర్యం కలుగుతోంది. ఈ సమస్యకు శాశ్వత పరిష్కారం కల్పించేందుకు అండర్పా్సను విస్తరించడం, సమర్థవంతమైన స్ర్టామ్ వాటర్ డ్రెయిన్ వ్యవస్థను ఏర్పాటు చేయడం కోసం సంబంధిత విభాగాల అధికారులు పనులు చేపడుతున్నారు. ఈ క్రమంలో ప్రజలు ట్రాఫిక్ మళ్లింపులను దృష్టిలో ఉంచుకుని ప్రత్యామ్నాయ మార్గాలను వినియోగించాలని కోరారు.
ట్రాఫిక్ మళ్లింపు ఇలా..
మై హోమ్ మంగళా నుంచి వైశాలీనగర్ అండర్పాస్ మీదుగా హఫీజ్పేట్ వెళ్లే వాహనాలు... మై హోమ్ మంగళా టీ-జంక్షన్ వద్ద యూ-టర్న్ తీసుకుని రాఘవేంద్ర నగర్ కాలనీ జంక్షన్-హైటెన్షన్ రోడ్-ఆర్టీఏ కార్యాలయం-కొండాపూర్-హఫీజ్పేట్ ఆర్ఓబీ మార్గంలో ప్రయాణించాలి.
తెలంగాణ కాంట్రాక్టర్స్ కల్చరల్ క్లబ్ వైపు నుంచి వైశాలీనగర్ అండర్పా్సకు వచ్చే వాహనాలు... మై హోమ్ మంగళా టీ-జంక్షన్- రాఘవేంద్ర నగర్ కాలనీ-హైటెన్షన్ రోడ్ - ఆర్టీఏ కార్యాలయం- కొండాపూర్- హఫీజ్పేట్ ఆర్ఓబీ/ఫ్లైఓవర్ మీదుగా హఫీజ్పేట్, ఆల్విన్ జంక్షన్ వైపు వెళ్లాలి.
హఫీజ్పేట్, ఆర్టీసీ కాలనీ, మై హోమ్ జువెల్ ప్రాంతాల నుంచి మై హోమ్ మంగళా వైపు వెళ్లే వాహనాలు... పైప్లైన్ రోడ్- హఫీజ్పేట్ ఆర్ఓబీ/ఫ్లైఓవర్ -జెన్పాక్ట్ వద్ద ఎడమ మలుపు- కొండాపూర్-ఆల్విన్ రోడ్ -ప్రభుత్వ పాఠశాల యూటర్న్- హఫీజ్పేట్ ఆర్ఓబీ ద్వారా ప్రయాణించాలి.
వాసవి లేక్ సిటీ, హఫీజ్పేట్ లేక్ ప్రాంతాల నుంచి మై హోమ్ మంగళా, రాఘవేంద్ర నగర్ వైపు వెళ్లే వాహనాలు... స్పెపర్ వన్ అపార్ట్మెంట్స్ యూ-టర్న్ హఫీజ్పేట్ ఆర్ఓబీ- జెన్పాక్ట్ వద్ద ఎడమ మలుపు- కొండాపూర్-ఆల్విన్ రోడ్- ప్రభుత్వ పాఠశాల యూటర్న్ హఫీజ్పేట్ ఆర్ఓబీ ద్వారా ప్రయాణించాలి.
గోపాల్నగర్, కల్వరీ టెంపుల్ ప్రాంతాల నుంచి మై హోమ్ మంగళా వెళ్లే వాహనాలు... హఫీజ్పేట్ అండర్పా్స/ఆర్ఓబీ వద్ద కుడివైపు తిరిగి కొండాపూర్-ఆల్విన్ రోడ్- ప్రభుత్వ పాఠశాల యూటర్న్ హఫీజ్పేట్ ఆర్ఓబీ మీదుగా కొండాపూర్, రాఘవేంద్ర నగర్ వైపు వెళ్లాలి.
ఈ వార్తలు కూడా చదవండి:
కేబీఆర్ పార్క్ చుట్టూ వన్వే
పసిడి ధరలు స్వల్పంగా పెరిగాయ్.. ఈ రోజు మీ నగరంలో ఎలా ఉన్నాయంటే..
Read Latest AP News And Telangana News And International News And Telugu News
