40 రోజులు.. 12 మ్యాచ్లు.. న్యూజిలాండ్ పర్యటనకు టీమిండియా
ABN , Publish Date - Jun 03 , 2026 | 01:42 PM
అక్టోబర్ 22 నుంచి డిసెంబర్ 1 వరకు టీమిండియా.. న్యూజిలాండ్ పర్యటనకు వెళ్లనుంది. ఇందులో భాగంగా ఐదు టీ20లు, ఐదు వన్డేలు, రెండు టెస్టు మ్యాచ్ల్లో ఇరుజట్లు తలపడనున్నాయి.
ఇంటర్నెట్ డెస్క్: భారత క్రికెట్ అభిమానులకు క్రేజీ న్యూస్. న్యూజిలాండ్ క్రికెట్ బోర్డు 2026-2027 అంతర్జాతీయ హోం సీజన్ షెడ్యూల్ను ప్రకటించింది. ఇందులో భారత్తో జరిగే సిరీస్ ప్రధాన ఆకర్షణగా నిలిచింది. అక్టోబర్ 22 నుంచి డిసెంబర్ 1 వరకు టీమిండియా.. న్యూజిలాండ్కు వెళ్లనుంది. ఇందులో భాగంగా ఐదు టీ20లు, ఐదు వన్డేలు, రెండు టెస్టు మ్యాచ్ల్లో ఇరుజట్లు తలపడనున్నాయి. మొత్తం 3 ఫార్మాట్లు.. 40 రోజులు.. 12 మ్యాచ్లు.. భారత అభిమానులకు పండుగే పండుగ! అయితే న్యూజిలాండ్ చరిత్రలోనే ఇది అతిపెద్ద పర్యటన కావడం విశేషం. గతంలో ఏ దేశ క్రికెట్ జట్టు కూడా న్యూజిలాండ్ పర్యటనలో ఇన్ని మ్యాచ్లు ఆడలేదు. అక్టోబర్ 22న టీ20, నవంబర్ 4న వన్డే, నవంబర్ 19 నుంచి టెస్టు సిరీస్లు ప్రారంభం కానున్నాయి.
పూర్తి షెడ్యూల్ ఇదే..
టీ20 సిరీస్:
తొలి టీ20- అక్టోబర్ 22, క్రైస్ట్చర్చ్
రెండో టీ20- అక్టోబర్ 24, క్రైస్ట్చర్చ్
మూడో టీ20- అక్టోబర్ 27, వెల్లింగ్టన్
నాలుగో టీ20- అక్టోబర్ 30, ఆక్లాండ్
ఐదో టీ20- నవంబర్ 1, హామిల్టన్
వన్డే సిరీస్:
తొలి వన్డే- నవంబర్ 4, ఆక్లాండ్
రెండో వన్డే- నవంబర్ 7, వెల్లింగ్టన్
మూడో వన్డే- నవంబర్ 10, హామిల్టన్
నాలుగో వన్డే- నవంబర్ 13, మౌంట్ మాంగనూయి
ఐదో వన్డే- నవంబర్ 15, మౌంట్ మాంగనూయి
టెస్ట్ సిరీస్:
తొలి టెస్టు- నవంబర్ 19-23, వెల్లింగ్టన్
రెండో టెస్టు- నవంబర్ 27 నుంచి డిసెంబర్ 1 వరకు, క్రైస్ట్చర్చ్
ఇవి కూడా చదవండి:
ప్రపంచ నం.1 కార్ల్సన్కు మరో షాక్.. చరిత్ర సృష్టించిన ప్రజ్ఞానంద
అఫ్గానిస్థాన్తో వన్డే సిరీస్.. రోహిత్ శర్మ దూరం కానున్నాడా?
