ముగిసిన అజిత్ అగార్కర్ పదవీ కాలం.. దరఖాస్తులను ఆహ్వానిస్తున్న బీసీసీఐ

ఇంటర్నెట్ డెస్క్: టీమిండియా సెలక్షన్ కమిటీ ఛైర్మన్ అజిత్ అగార్కర్ పదవీ కాలం ముగిసిన నేపథ్యంలో ఆయన స్థానాన్ని భర్తీ చేసేందుకు భారత క్రికెట్‌ నియంత్రణ మండలి (బీసీసీఐ) అభ్యర్థుల నుంచి దరఖాస్తులను ఆహ్వానిస్తోంది. ఈ మేరకు ఈరోజు (మంగళవారం) ప్రకటన చేసింది. కాగా అజిత్ అగార్కర్ పదవీ కాలం అక్టోబర్ 4తో ముగిసింది. ప్రస్తుతం భారత్ మాజీ స్పిన్నర్ ప్రజ్ఞాన్ ఓజా తాత్కాలిక ఛైర్మన్‌గా వ్యవహరిస్తున్నారు. ఈ నేపథ్యంలో బీసీసీఐ కీలక ప్రకటన జారీ చేసింది

‘మెన్స్ సెలక్షన్ కమిటీలో ఒక సభ్యుడి స్థానాన్ని భర్తీ చేసేందుకు అభ్యర్థుల నుంచి దరఖాస్తులను ఆహ్వానిస్తున్నాం’ అని బీసీసీఐ తన అధికారిక వెబ్‌సైట్‌లో పేర్కొంది. ఈ సభ్యుడిపైనే క్రీడాకారుల సెలక్షన్ ప్రక్రియ ఆధారపడి ఉంటుందని వెల్లడించింది. అలాగే సెలక్షన్ కమిటీలో సభ్యుడి బాధ్యతలు, అర్హతలు తెలిపింది.

సభ్యుడి బాధ్యతలు ఇవే

• న్యాయంగా , పారదర్శకంగా క్రీడాకారులను ఎంచుకుని ఉత్తమ జట్టును తీర్చిదిద్దాలి.

• టీమ్ మీటింగ్స్‌కు హాజరు కావాలి. అవసరమైనప్పుడు మ్యాచ్‌లు వీక్షించేందుకు విదేశి ప్రయాణాలు చేయాలి.

• మీడియా సమావేశాల్లో పాల్గొనాలి.

• మూడు ఫార్మట్ల కెప్టెన్‌లను నియమించాలి.

అర్హతలు.. అనుభవాలు

• కనీసం ఏడు టెస్ట్ మ్యాచ్‌లు లేదా 30 ఫస్ట్ క్లాస్ మ్యాచ్‌లు ఆడి ఉండాలి. లేకపోతే 10 వన్డేలు ఆడినా సరిపోతుంది.

• 5 ఏళ్ల క్రితమే రిటైరై ఉండాలి

ఈ వార్తలూ చదవండి

విండీస్ 171 పరుగులకు ఆలౌట్.. భారత్ లక్ష్యం 172..

వైభవ్‌తో బ్యాటింగ్ చేస్తే ఒత్తిడే ఉండదు: ప్రియాంశ్ ఆర్య