అర్ష్‌దీప్ సింగ్ అరుదైన రికార్డు.. టీ20ల్లో 150 వికెట్లకు ఒక్క అడుగు దూరంలో!
ABN , Publish Date - Oct 27 , 2026 | 02:41 PM
టీమిండియా బౌలర్ అర్షదీప్ సింగ్ అరుదైన రికార్డును తన ఖాతాలో వేసుకున్నాడు. న్యూజిలాండ్‌తో జ‌రుగుతున్న మూడో టీ20 మ్యాచ్‌లో టిమ్ సీఫెర్ట్‌ను ఔట్ చేయ‌డం ద్వారా అర్షదీప్ 149వ వికెట్ ఖాతాలో వేసుకున్నాడు.
స్పోర్ట్స్ డెస్క్: వెల్లింగ్ట‌న్ వేదిక‌గా న్యూజిలాండ్, భారత్ మధ్య మూడో టీ20 మ్యాచ్‌ జరుగుతోంది. తొలుత బ్యాటింగ్ చేసిన కివీస్ జట్టు నిర్ణీత 20 ఓవర్లకు 3 వికెట్లు కోల్పోయి.. 198 పరుగులు చేసింది. ఈ మ్యాచ్‌లో టీమిండియా బౌలర్ అర్షదీప్ సింగ్ అరుదైన రికార్డును సాధించాడు. న్యూజిలాండ్ బ్యాటర్ టిమ్ సీఫెర్ట్‌ను ఔట్ చేయ‌డం ద్వారా అర్షదీప్ 149వ వికెట్ తన ఖాతాలో వేసుకున్నాడు. తద్వారా టీ20ఐ క్రికెట్‌లో అత్యధిక వికెట్లు తీసిన మూడో పేసర్‌గా నిలిచాడు.
ఈ క్ర‌మంలో బ‌హ్రెయిన్‌కు చెందిన రిజ్వాన్ బ‌ట్‌ను అర్షదీప్ అధిగ‌మించ‌డంతో అత‌డు నాలుగో స్థానానికి ప‌డిపోయాడు. రిజ్వాన్ ఖాతాలో 148 వికెట్లు ఉన్నాయి. న్యూజిలాండ్ స్టార్ బౌలర్ టిమ్ సౌథీ 160 వికెట్లతో తొలి స్థానంలో ఉన్నాడు. బంగ్లాదేశ్ బౌలర్ ముస్తాఫిజుర్ రెహ్మాన్ 163 వికెట్లతో రెండో స్థానంలో, ఐర్లాండ్ బౌలర్ మార్క్ అడైర్ 142 వికెట్లు ఐదో స్థానంలో ఉన్నారు. ఎడమచేతి వాటం పేసర్ అయిన అర్షదీప్ అంతర్జాతీయ టీ20 క్రికెట్‌లో ఇంకొక వికెట్ సాధిస్తే.. మరో అరుదైన ఘనత సాధిస్తాడు. 150 వికెట్ల మైలురాయిని తాకిన తొలి భారత బౌలర్‌గా రికార్డు సృష్టిస్తాడు.
ఇవి కూడా చదవండి:
కివీస్‌తో మూడో టీ20: టాస్ నెగ్గిన భారత్.. వైభవ్‌ ఆడుతున్నాడా?
యువ క్రికెటర్ కల నెరవేర్చిన విరాట్ కోహ్లీ.. వీడియో వైరల్
