ఘనంగా మహానాడు వేడుకలు.. టీడీపీ జెండాను ఆవిష్కరించిన సీఎం చంద్రబాబు
ABN, Publish Date - May 27 , 2026 | 02:20 PM
మహానాడు సందర్భంగా మంగళగిరిలోని తెలుగుదేశం పార్టీ కేంద్ర కార్యాలయం వద్ద టీడీపీ జెండాను ఆ పార్టీ అధినేత, ముఖ్యమంత్రి నారా చంద్రబాబు నాయుడు ఆవిష్కరించారు. అనంతరం కార్యాలయంలో ఎన్టీఆర్ విగ్రహానికి నివాళులు అర్పించారు. ఈ కార్యక్రమంలో టీడీపీ వర్కింగ్ ప్రెసిడెంట్ నారా లోకేశ్, పొలిట్ బ్యూరో సభ్యులు, జాతీయ, రాష్ట్ర కమిటీ సభ్యులు పాల్గొన్నారు.
1/14
మహానాడు సందర్భంగా మంగళగిరిలోని తెలుగుదేశం పార్టీ కేంద్ర కార్యాలయం వద్ద టీడీపీ జెండాను ఆ పార్టీ అధినేత, ముఖ్యమంత్రి నారా చంద్రబాబు నాయుడు ఆవిష్కరించారు. అనంతరం కార్యాలయంలో ఎన్టీఆర్ విగ్రహానికి నివాళులు అర్పించారు. ఈ కార్యక్రమంలో టీడీపీ వర్కింగ్ ప్రెసిడెంట్ నారా లోకేశ్, పొలిట్ బ్యూరో సభ్యులు, జాతీయ, రాష్ట్ర కమిటీ సభ్యులు పాల్గొన్నారు.
2/14
తెలుగుదేశం పార్టీ వ్యవస్థాపకులు స్వర్గీయ నందమూరి తారక రామారావు జయంతిని పురస్కరించుకుని ప్రతి ఏడాది మే నెలలో మహానాడు వేడుకలను అత్యంత వైభవంగా నిర్వహిస్తున్నారు.
3/14
ఈ ఏడాది అమరావతిలోని టీడీపీ కేంద్ర కార్యాలయం ఈ మహానాడు సంబరాలకు వేదికైంది. రాష్ట్రవ్యాప్తంగా ఉన్న పార్టీ శ్రేణుల్లో సరికొత్త ఉత్సాహాన్ని నింపేలా ఈ కార్యక్రమాలను రూపొందించారు.
4/14
ఈ సందర్భంగా కార్యకర్తల నినాదాలతో కార్యాలయ ప్రాంగణం మార్మోగింది.
5/14
ఈ మహానాడు వేడుకల్లో టీడీపీ జాతీయ వర్కింగ్ ప్రెసిడెంట్ నారా లోకేశ్ ప్రత్యేక ఆకర్షణగా నిలిచారు.
6/14
తెలుగుజాతి ఆత్మగౌరవాన్ని ప్రపంచవ్యాప్తంగా చాటిచెప్పిన ఎన్టీఆర్ ఆశయాలకు అనుగుణంగా పార్టీని ముందుకు నడిపిస్తామని ఏపీ టీడీపీ అధ్యక్షుడు పల్లా శ్రీనివాసరావు వ్యాఖ్యానించారు.
7/14
యువతను పార్టీ వైపు ఆకర్షించడంలో, క్షేత్రస్థాయిలో పార్టీని బలోపేతం చేయడంలో నారా లోకేశ్ పోషిస్తున్న పాత్ర అమోఘమని నేతలు ప్రశంసించారు.
8/14
'యువగళం' పాదయాత్ర ద్వారా ప్రజల్లోకి వెళ్లిన లోకేశ్ కార్యకర్తల్లో కొత్త జోష్ నింపారు.
9/14
తెలుగు రాష్ట్రాల నలుమూలల నుంచి తరలివచ్చిన లక్షలాది మంది కార్యకర్తలతో అమరావతి పరిసర ప్రాంతాలు పసుపుమయంగా మారాయి. కార్యకర్తల సందడితో పార్టీ ఆఫీసులో పండుగ వాతావరణం సంతరించుకుంది.
10/14
మహానాడు వేదికగా ప్రతి ఒక్క నాయకుడు, కార్యకర్త ఎన్టీఆర్ చేసిన సేవలను గుర్తుచేసుకున్నారు. రూపాయికే కిలో బియ్యం, పక్కా గృహాల నిర్మాణం, స్థానిక సంస్థల్లో మహిళలకు రిజర్వేషన్లు, వెనుకబడిన వర్గాలకు రాజకీయ గుర్తింపు వంటి ఎన్నో విప్లవాత్మక నిర్ణయాలకు ఎన్టీఆర్ శ్రీకారం చుట్టారని టీడీపీ నేతలు కీర్తించారు.
11/14
రాబోయే రోజుల్లో యువతకు రాజకీయాల్లో ప్రాధాన్యం కల్పించడం, రాష్ట్ర అభివృద్ధిలో వారి భాగస్వామ్యాన్ని పెంచడంపై లోకేశ్ ప్రత్యేక దృష్టి సారించారు.
12/14
మహానాడు వేడుకలతో మంగళగిరిలోని టీడీపీ కేంద్ర కార్యాలయం జనసంద్రంగా మారింది. ఈ కార్యక్రమానికి పార్టీకి చెందిన ముఖ్య నేతలందరూ హాజరయ్యారు.
13/14
మహానాడు కేవలం ఒక ఉత్సవం మాత్రమే కాదని, పార్టీ అంతర్గత సమీక్షలకు, భవిష్యత్తు ప్రణాళికల రచనకు ఒక దిక్సూచి అని టీడీపీ నేతలు వ్యాఖ్యానించారు.
14/14
ఈ వేదికపై పలు కీలక అంశాలపై సుదీర్ఘ చర్చలు జరగనున్నాయని టీడీపీ నేతలు తెలిపారు. వైసీపీ అధినేత వైఎస్ జగన్ మోహన్ రెడ్డి హయాంలో దెబ్బతిన్న ఆంధ్రప్రదేశ్ ఆర్థిక వ్యవస్థలను ఎలా పునరుద్ధరించాలనే అంశంపై ఈ సమావేశంలో చర్చిస్తామని నేతలు చెప్పారు.
Updated at - May 27 , 2026 | 02:42 PM
