సీజేపీ మార్చ్పై రాజ్యసభలో జేపీ నడ్డా, ఖర్గేల మధ్య వాదన
ABN , Publish Date - Jul 29 , 2026 | 11:58 AM
పార్లమెంట్ మార్చ్ సందర్భంగా విద్యార్థి నిరసనకారులపై పోలీసులు జరిపిన లాఠీఛార్జ్ అంశం రాజ్యసభలో దుమారం రేపింది. దీనిపై ప్రతిపక్షాలు.. కేంద్ర ప్రభుత్వంపై విరుచుకుపడగా, విపక్షాల ఆరోపణల్ని కేంద్ర మంత్రి జేపీ నడ్డా కొట్టపారేశారు.
ఢిల్లీ, జులై 29: పార్లమెంట్ మార్చ్ సందర్భంగా విద్యార్థి నిరసనకారులపై పోలీసులు జరిపిన లాఠీఛార్జ్ వివాదం రాజ్యసభలో తీవ్ర దుమారం రేపింది. జూలై 20న జరిగిన 'కాక్రోచ్ జనతా పార్టీ' (CJP) విద్యార్థి విభాగాల నిరసనను అణచివేయడంపై ప్రతిపక్షాలు కేంద్ర ప్రభుత్వంపై తీవ్ర స్థాయిలో విరుచుకుపడ్డాయి. అయితే, రాజ్యసభలో కేంద్ర మంత్రి జేపీ నడ్డా స్పందిస్తూ.. ఇది కేవలం 'సాధారణ శాంతిభద్రతల సమస్య' మాత్రమేనని, పోలీసులు పరిస్థితిని అదుపు చేయడానికి చట్టబద్ధంగానే వ్యవహరించారని పేర్కొన్నారు. ప్రతిపక్షాలు దీనిని అనవసరంగా సంచలనం చేస్తున్నాయని ఆరోపించారు.
రాజ్యసభలో భగ్గుమన్న ఖర్గే.. కేంద్రంపై ధ్వజం
రాజ్యసభలో ప్రతిపక్ష నేత, కాంగ్రెస్ అధ్యక్షుడు మల్లికార్జున్ ఖర్గే విద్యార్థులపై జరిగిన 'పోలీసుల దౌర్జన్యాన్ని' తీవ్రంగా ఖండించారు. 'విద్యార్థులపై దాడి చేసిన వారు బహిరంగంగా తిరుగుతున్నారు. వారిపై తక్షణమే చర్యలు తీసుకోవాలి' అని ఖర్గే సభలో డిమాండ్ చేశారు. నిరసనకారులపై పెల్లెట్ గన్లు ఉపయోగించారనే కథనాలపై కేంద్ర హోం మంత్రి అమిత్ షా సభకు వచ్చి ప్రకటన చేయాలని, లాఠీఛార్జ్కు ఆదేశించిన పోలీసు అధికారులపై చర్యలు తీసుకోవాలని ప్రతిపక్ష నాయకులు నినాదాలతో రాజ్యసభను హోరెత్తించారు.
ఎమర్జెన్సీ కాలాన్ని గుర్తుచేసిన జేపీ నడ్డా
ప్రతిపక్షాల ఆందోళనల మధ్య మాట్లాడిన కేంద్ర మంత్రి జేపీ నడ్డా పోలీసుల చర్యను సమర్థించారు. 'ఏ విద్యార్థి అయినా నిరసనల్లో పాల్గొన్నప్పుడు ఇలాంటి శాంతిభద్రతల పరిస్థితులను ఎదుర్కోవాల్సి వస్తుంది. శాంతిభద్రతల పరిరక్షణ కోసమే పోలీసులు తమ విధులు నిర్వహించారు' అని వ్యాఖ్యానించారు. కాంగ్రెస్ పాలనలోని ఎమర్జెన్సీ కాలాన్ని గుర్తు చేస్తూ..'నేను కూడా ఒకప్పుడు విద్యార్థి నాయకుడినే. ఎమర్జెన్సీ సమయంలో కాంగ్రెస్ ప్రభుత్వంలో నన్ను తరగతి గది నుంచి క్లాస్రూమ్లోనే ఉన్నప్పుడు పలుమార్లు అరెస్టు చేశారు' అని ఉదాహరణగా చెప్పారు.
కేంద్ర ప్రభుత్వాన్ని విమర్శిస్తూ రాజ్యసభలో ప్రతిపక్షాలు తీవ్రమైన ఆరోపణలు చేశాయి. శాంతియుతంగా నిరసన తెలుపుతున్న విద్యార్థులపై పోలీసులు పెల్లెట్ గన్లు వాడారని, దీనివల్ల పలువురు విద్యార్థులు గాయపడ్డారని చెప్పారు. గాయపడిన విద్యార్థుల మాటల్ని ప్రతిపక్షాలు ప్రస్తావిస్తూ హోం మంత్రిత్వ శాఖ దీనిపై వివరణ ఇవ్వాలని పట్టుబట్టాయి.
ఈ వార్తలు కూడా చదవండి:
స్వల్పంగా తగ్గిన పసిడి ధరలు.. ఈ రోజు మీ నగరంలో ఎలా ఉన్నాయంటే..
బొండా ఉమా వివరణతో సంతృప్తి చెందిన అధిష్ఠానం
Read Latest AP News And Telangana News And International News And Telugu News
