ఇందిరా గాంధీ వర్ధంతి.. శక్తి స్థల్ వద్ద రాహుల్, ఖర్గే, సోనియా నివాళులు

ఆంధ్రజ్యోతి, అక్టోబర్ 31: భారత తొలి మహిళా ప్రధాని దివంగత ఇందిరా గాంధీ 42వ వర్ధంతి సందర్భంగా శనివారం (అక్టోబర్ 31, 2026) ఢిల్లీలోని ఆమె సమాధి 'శక్తి స్థల్' వద్ద కాంగ్రెస్ అగ్రనేతలు ఘనంగా నివాళులర్పించారు. లోక్‌సభ ప్రతిపక్ష నేత రాహుల్ గాంధీ, కాంగ్రెస్ జాతీయ అధ్యక్షుడు మల్లికార్జున ఖర్గే, కాంగ్రెస్ పార్లమెంటరీ పార్టీ అధ్యక్షురాలు సోనియా గాంధీ, ఎంపీ ప్రియాంక గాంధీ వాద్రా శక్తి స్థల్‌ను సందర్శించి అంజలి ఘటించారు.

కర్ణాటక ఉపముఖ్యమంత్రి డికే శివకుమార్ సామాజిక మాధ్యమం ఎక్స్ (X) వేదికగా స్పందిస్తూ.. ఇందిరా గాంధీని 'ఐరన్ లేడీ'గా అభివర్ణించారు. 'గరీబీ హఠావో' (పేదరికాన్ని పారద్రోలండి) నినాదం ద్వారా నిరుపేదలు, అణగారిన వర్గాల సంక్షేమానికి ఆమె ఎంతో కృషి చేశారని గుర్తుచేసుకున్నారు. బ్యాంకుల జాతీయకరణ, వ్యవసాయ ఉత్పత్తుల పెంపు, అంతరిక్ష, అణు కార్యక్రమాలకు పునాదులు వేసి భారతదేశ అభివృద్ధికి ఆమె చేసిన సేవలు చారిత్రాత్మకమని కొనియాడారు.

1917 నవంబర్ 19న జన్మించిన ఇందిరా గాంధీ, 1966 నుంచి 1977 వరకు, తిరిగి 1980 నుంచి 1984 అక్టోబర్ 31న హత్యకు గురయ్యే వరకు ప్రధానిగా దేశానికి సేవలందించారు. (Indira Gandhi 42nd Death Anniversary)

ఈ వార్తలనూ చదవండి:

శబరిమలై రైళ్లు ఫుల్‌

ఎల్ నినో వెళ్లిపోయాక.. వర్షాలే వర్షాలు?