విమానంలో ప్రయాణించేటప్పుడు తీసుకోవాల్సిన జాగ్రత్తలు

ఇంటర్నెట్ డెస్క్: ప్రస్తుత కాలంలో చాలా మందికి విమాన ప్రయాణం ఒక అవసరంగా మారింది. అయితే, కొందరు ప్రయాణం విషయంలో సరైన జాగ్రత్తలు తీసుకోవడంలో నిర్లక్ష్యం వహిస్తున్నారు. విమానం చాలా ఎత్తులో ప్రయాణిస్తున్నట్లయితే.. అందులో గాలి పొడిగా మారుతుంది. ఇది ఆరోగ్యం, చర్మ సౌందర్యంపై ప్రతికూల ప్రభావం చూపుతుంది. ఈ కారణంగా, విమానంలో దూర ప్రాంతాలకు ప్రయాణించేవారు కొన్ని జాగ్రత్తలు తీసుకోవాల్సిన అవసరం ఉందని ఆరోగ్య నిపుణులు చెబుతున్నారు.

నీరు తాగడం:

విమానంలో భూమి నుండి పైకి వెళ్ళే కొద్దీ గాలిలో తేమ తగ్గుతుంది. ఈ పొడి వాతావరణం శరీరాన్ని డీహైడ్రేట్ చేస్తుంది. అందుకే విమాన ప్రయాణంలో తరచుగా నీరు, ఫ్రూట్ జ్యూస్ తాగండి.

చర్మ సంరక్షణ:

డీహైడ్రేషన్ చర్మాన్ని కూడా ప్రభావితం చేస్తుంది. కొంతమందికి పొడి చర్మం, దద్దుర్లు వంటి సమస్యలు రావచ్చు. ఈ పొడి వాతావరణం ఇప్పటికే చర్మ సమస్యలు ఉన్నవారిలో తామరకు కారణమవుతుంది. అందుకే చర్మానికి మాయిశ్చరైజర్ రాయడం అవసరం. పెదవులు ఎండిపోకుండా ఉండటానికి లిప్ బామ్ రాయాలి.

జుట్టు సంరక్షణ:

విమానం లోపల తక్కువ తేమ.. జుట్టు, ఫోలికల్స్ పై ప్రభావం చూపుతుంది. క్యాబిన్‌లోని పొడి గాలి జుట్టులోని తేమను పీల్చుకుని, జుట్టు పొడిబారడం, చివర్లు చిట్లడం, జుట్టు నిర్జీవంగా మారడం వంటి సమస్యలకు దారితీస్తుంది. కాబట్టి, జుట్టుకు మాయిశ్చరైజర్ , హెయిర్ సీరం అప్లై చేయండి.

సరైన దుస్తులు:

బిగుతుగా ఉండే దుస్తులు చెమట పెరగటానికి కారణమవుతాయి. కాబట్టి వదులుగా ఉండే, కాటన్ దుస్తులు ధరించండి.

చేతుల పరిశుభ్రత:

విమానంలోని పబ్లిక్ టాయిలెట్లను ఉపయోగించడం వల్ల యూరినరీ ట్రాక్ట్ ఇన్ఫెక్షన్లు వచ్చే ప్రమాదం ఉంది. విమానంలో టాయిలెట్‌ను ఉపయోగిస్తున్నప్పుడు, టాయిలెట్ సీటును శుభ్రం చేసి, ఆపై మీ చేతులను యాంటీ బాక్టీరియల్ బేబీ వైప్స్‌తో శుభ్రం చేయండి.

తేలికైన ఆహారం:

తేలికగా జీర్ణమయ్యే ఆహారం తినండి. గ్యాస్ట్రిక్ సమస్యలు తగ్గుతాయి. గమ్యస్థానానికి చేరుకున్న తర్వాత గోరువెచ్చని నీటితో స్నానం చేసుకోవడం మంచిది. ఈ చిట్కాలు పాటిస్తే, విమానంలో ప్రయాణం సౌకర్యవంతంగా, ఆరోగ్యానికి హానికరం కాకుండా ఉంటుంది.

ఇన్ఫెక్షన్ నివారణ:

విమానంలో జలుబు, ఫ్లూ, ఇతర ఇన్ఫెక్షన్ వ్యాప్తి తగ్గించడానికి మాస్క్ వేసుకోవడం, చేతులు శానిటైజ్ చేయడం, వ్యక్తిగత పరిశుభ్రత పాటించడం ముఖ్యం.

Note: ఇందులోని సమాచారం ఇంటర్నెట్‌లో అందుబాటులో ఉన్న వివరాల ఆధారంగా మీకు అందించడం జరుగుతోంది. ఇది కేవలం ప్రజల సాధారణ ఆరోగ్య ప్రయోజనాలను దృష్టిలో ఉంచుకుని ఇవ్వడం జరిగింది. ABN ఆంధ్రజ్యోతి దీనిని ధ్రువీకరించడం లేదు.

Also Read:

థాయ్ మసాజ్ ప్రత్యేకత ఏమిటో మీకు తెలుసా?

పానిక్ అటాక్‌ని ఎలా గుర్తించాలో తెలుసా?

For More Latest News