బట్టతల సమస్యకు సహజ పరిష్కారం

ఇంటర్నెట్ డెస్క్: ఇటీవలి కాలంలో ఒత్తిడి, అనారోగ్యకరమైన ఆహారం, కాలుష్యం, జన్యుపరమైన కారణాల వల్ల చిన్న వయసులోనే జుట్టు రాలడం, బట్టతల సమస్యలు పెరుగుతున్నాయి. ముఖ్యంగా తల ముందుభాగంలో బట్టతల త్వరగా కనిపిస్తుంది. అయితే ఆయుర్వేదంలో జుట్టు కుదుళ్లను బలపరచి కొత్త జుట్టు పెరుగుదలకు సహాయపడే సహజ మార్గాలు ఉన్నాయి.

ఆవ నూనె ప్రయోజనాలు

ఆవ నూనెలో ఉన్న పోషకాలు తల చర్మాన్ని ఆరోగ్యంగా ఉంచుతాయి. ఇందులో ఉన్న యాంటీ బ్యాక్టీరియల్ గుణాలు చుండ్రును తగ్గించడంలో సహాయపడతాయి. జుట్టు కుదుళ్లకు పోషణ అందించి, జుట్టు పెరుగుదలను మెరుగుపరుస్తాయి.

మెంతి గింజలు

మెంతి గింజల్లో ప్రోటీన్, నికోటినిక్ యాసిడ్ ఎక్కువగా ఉంటాయి. ఇవి జుట్టు కుదుళ్లను బలపరచి, జుట్టు రాలడాన్ని తగ్గిస్తాయి. ఆవ నూనెలో మెంతి గింజలు వేసి వేడి చేసి చల్లారిన తర్వాత తలకు మర్దన చేస్తే రక్త ప్రసరణ మెరుగుపడి కొత్త జుట్టు పెరుగుతుంది.

ఉల్లిపాయ రసం

ఉల్లిపాయలో సల్ఫర్ అధికంగా ఉంటుంది. ఇది జుట్టు కుదుళ్లను బలపరచి, జుట్టు రాలడాన్ని తగ్గిస్తుంది. ఆవ నూనెతో కొద్దిగా ఉల్లిపాయ రసం కలిపి తలకు రాసుకుంటే బట్టతల ఉన్న ప్రదేశాల్లో జుట్టు పెరుగుదలకు సహాయపడుతుంది.

కరివేపాకు

కరివేపాకు జుట్టు ముందుగానే తెల్లబడకుండా కాపాడుతుంది. ఇందులో ఐరన్, ఫాస్ఫరస్, నికోటినిక్ యాసిడ్ వంటి పోషకాలు ఉండటం వల్ల జుట్టు ఆరోగ్యంగా పెరుగుతుంది. ఆవ నూనెలో కరివేపాకు వేసి వేడి చేసి ఉపయోగిస్తే మంచి ఫలితాలు కనిపిస్తాయి. లేదా కరివేపాకు, కొబ్బరి నూనెతో కలిపి మరిగించి తలకు రాసుకోవచ్చు. ఆవ నూనెను ఇతర సహజ పదార్థాలతో కలిపి ఉపయోగించడం ద్వారా జుట్టు ఆరోగ్యాన్ని మెరుగుపరచి, జుట్టు రాలడం, బట్టతల సమస్యలను తగ్గించుకోవచ్చు.

Note: ఇందులోని సమాచారం ఇంటర్నెట్‌లో అందుబాటులో ఉన్న వివరాల ఆధారంగా మీకు అందించడం జరుగుతోంది. ABN ఆంధ్రజ్యోతి దీనిని ధ్రువీకరించడం లేదు.

Also Read:

ఆఫీసులో గంటల తరబడి కూర్చుంటున్నారా? మీ ఆరోగ్యం ప్రమాదంలో ఉన్నట్టే!

ప్రకృతి ప్రసాదించిన యాంటీ బయాటిక్స్.. రోగనిరోధక శక్తిని పెంచే 'సూపర్ మసాలాలు' ఇవే!

For More Latest News