పుచ్చకాయలో ప్రమాదకరమైన రసాయనాలు.. ఇలా గుర్తించండి

ఇంటర్నెట్ డెస్క్: వేసవి కాలంలో ఎక్కువ మంది ఇష్టపడే పండ్లలో వాటర్ మిలన్ (పుచ్చకాయ) ఒకటి. ఇది శరీరానికి చల్లదనాన్ని ఇవ్వడమే కాకుండా, డీహైడ్రేషన్‌ను తగ్గించడంలో సహాయపడుతుంది. అయితే, కొంతమంది వ్యాపారులు పుచ్చకాయను ఆకర్షణీయంగా కనిపించేందుకు కెమికల్స్, కృత్రిమ రంగులు ఉపయోగిస్తున్నారు. అలాంటి కల్తీ పుచ్చకాయలను తింటే ఆరోగ్యానికి హాని కలిగే ప్రమాదం ఉందని నిపుణులు హెచ్చరిస్తున్నారు. అందుకే, కల్తీ వాటర్ మిలన్‌ను గుర్తించే పద్ధతులను తెలుసుకోవడం చాలా ముఖ్యం.

రంగును గమనించండి

సహజమైన పుచ్చకాయ లోపలి భాగం లేత గులాబీ రంగు లేదా లేత ఎరుపు రంగులో ఉంటుంది. ఎక్కువగా ఎరుపు లేదా అసహజంగా మెరిసే రంగు ఉంటే, అది కల్తీ అయ్యి ఉండే అవకాశం ఉంది.

నీటిలో పరీక్ష చేయండి

పుచ్చకాయ ముక్కను ఒక గ్లాస్ నీటిలో వేసి చూడండి. నీరు వెంటనే ఎరుపు రంగులోకి మారితే, అందులో కృత్రిమ రంగు కలిపినట్లు అర్థం.

రుచి ద్వారా గుర్తించండి

సహజమైన పుచ్చకాయ తియ్యగా, తాజాగా ఉంటుంది. కానీ కల్తీ పుచ్చకాయలో రుచి అసహజంగా లేదా కొంచెం చేదుగా ఉండవచ్చు.

గుజ్జు నిర్మాణం

సహజమైన పుచ్చకాయ గుజ్జు మృదువుగా, రసంతో నిండుగా ఉంటుంది. కల్తీ పుచ్చకాయ గుజ్జు గరుకుగా లేదా అసహజంగా కనిపిస్తుంది.

టిష్యూ పేపర్ పరీక్ష

మీరు మార్కెట్‌కు వెళ్లినప్పుడు ముందుగా పుచ్చకాయ ముక్కను కోసి ఇవ్వమనండి. ఆ తర్వాత ముక్కపై టిష్యూ పేపర్‌తో అక్కడక్కడా రుద్దండి. టిష్యూ ఎరుపు రంగులోకి మారితే, దానిలో రసాయనాలు కలిపారని అర్థం. లేదంటే అది స్వచ్ఛమైనదని గుర్తించుకోండి.

వేసవిలో పుచ్చకాయ శరీరానికి చాలా మంచిది. కానీ కల్తీ పుచ్చకాయలను తినడం ఆరోగ్యానికి హానికరం. కాబట్టి, పుచ్చకాయ కొనేటప్పుడు రంగు, రుచి, సహజత్వం వంటి అంశాలను పరిశీలించి, సురక్షితమైన పండ్లను మాత్రమే తీసుకోవడం మంచిదని నిపుణులు సూచిస్తున్నారు.

Note: ఇందులోని సమాచారం ఇంటర్నెట్‌లో అందుబాటులో ఉన్న వివరాల ఆధారంగా మీకు అందించడం జరుగుతోంది. ABN ఆంధ్రజ్యోతి దీనిని ధ్రువీకరించడం లేదు.

ఈ వార్తలు కూడా చదవండి:

హమ్మయ్య! గోల్డ్ రేట్ తగ్గిందిగా!

మూడో డిస్కమ్‌ ఏర్పాటులో మరో కీలక అడుగు

Read Latest News