ఇవాళ భారీ లాభాల్లో ముగిసిన భారత స్టాక్ మార్కెట్ సూచీలు

ఆంధ్రజ్యోతి, మే 14: వరుస నష్టాల తర్వాత భారత ఈక్విటీ మార్కెట్లు గురువారం ట్రేడింగ్‌లో అదరగొట్టాయి. సెన్సెక్స్, నిఫ్టీ సూచీలు 1 శాతానికి పైగా లాభపడటంతో మదుపర్ల సంపద భారీగా పెరిగింది. మార్కెట్ గెయిన్స్‌కు దారితీసిన కీలక అంశాలు ఇవే..

1. వ్యాల్యూ బయింగ్ (Value Buying):

గత నాలుగు సెషన్లలో మార్కెట్ దాదాపు 4 శాతం పడిపోవడంతో, నాణ్యమైన షేర్లు తక్కువ ధరకే అందుబాటులోకి వచ్చాయి. దీంతో ఇన్వెస్టర్లు కనిష్ఠ స్థాయిల వద్ద కొనుగోళ్లకు మొగ్గు చూపారు. ఇది మార్కెట్ రికవరీకి ప్రధాన కారణమైంది.

2. తగ్గిన వోలటాలిటీ (Volatility Eased):

మార్కెట్ భయాలను సూచించే 'ఇండియా విక్స్' (India VIX) 4 శాతం తగ్గి 18.66 వద్దకు చేరింది. వోలటాలిటీ తగ్గడం ఇన్వెస్టర్లలో ధైర్యాన్ని నింపింది.

3. ట్రంప్ - జిన్‌పింగ్ భేటీపై ఆశలు:

అమెరికా అధ్యక్షుడు డొనాల్డ్ ట్రంప్, చైనా అధ్యక్షుడు షీ జిన్‌పింగ్ మధ్య జరుగుతున్న చర్చలు సానుకూలంగా సాగుతాయన్న అంచనాలు గ్లోబల్ మార్కెట్లను పెంచాయి. 2026 చైనా-అమెరికా సంబంధాల్లో ఒక మైలురాయిగా నిలుస్తుందని జిన్‌పింగ్ చేసిన వ్యాఖ్యలు ఇన్వెస్టర్ల సెంటిమెంట్‌ను బలపరిచాయి.

4. ఆసియా మార్కెట్ల సానుకూల సంకేతాలు:

గ్లోబల్ మార్కెట్ల నుంచి వచ్చిన సానుకూల పవనాలు భారత్ మార్కెట్లకు కలిసొచ్చాయి. టోక్యో నిక్కీ, హాంకాంగ్ హ్యాంగ్ సెంగ్, తైవాన్ సూచీలు లాభాల్లో ట్రేడ్ అయ్యాయి.

5. హోర్ముజ్ జలసంధిపై సానుకూలత:

హోర్ముజ్ జలసంధిని తిరిగి తెరిపించేందుకు చైనా తన ఆర్థిక పరపతిని ఉపయోగించి ఇరాన్‌పై ఒత్తిడి తెచ్చే అవకాశం ఉందని అమెరికా అధికారులు భావించడం చమురు సంక్షోభం తగ్గుతుందన్న ఆశలను రేకెత్తించింది.

6. కార్పొరేట్ ఫలితాల జోరు:

భారతీ ఎయిర్‌టెల్ లాభాలు పెరగడంతో ఆ షేరు 3 శాతం పుంజుకుంది. ఆయిల్ ఇండియా కూడా మెరుగైన ఫలితాల కారణంగా 2.15 శాతం లాభపడింది.

7. విదేశీ బాండ్ పెట్టుబడులపై పన్ను తగ్గింపు?:

భారత బాండ్లలో పెట్టుబడి పెట్టే విదేశీ ఇన్వెస్టర్లపై పన్ను తగ్గించాలని ప్రభుత్వం యోచిస్తోందన్న వార్తలు (బ్లూమ్‌బెర్గ్ నివేదిక) మార్కెట్లకు బూస్ట్ ఇచ్చాయి. రూపాయి విలువ పతనాన్ని అడ్డుకునేందుకు ఆర్‌బీఐ చేసిన సిఫార్సులను ఆర్థిక మంత్రిత్వ శాఖ పరిశీలిస్తోంది.

సెన్సెక్స్ ఎక్స్‌పైరీ కారణంగా ఇంట్రాడేలో కొంత ఒడిదొడుకులు ఉన్నప్పటికీ, నిఫ్టీ 23,750 పాయింట్ల స్థాయిని తాకడం మార్కెట్ బలాన్ని సూచిస్తోంది. అయితే, అంతర్జాతీయంగా క్రూడ్ ధరలు ఇంకా ఎక్కువగా ఉండటం మార్కెట్‌పై కొంత ఒత్తిడిని కొనసాగించే అవకాశం ఉందని విశ్లేషకులు హెచ్చరిస్తున్నారు.

ఈ వార్తలు కూడా చదవండి...

టూరిజం, టెంపుల్ కారిడార్లపై సీఎం ప్రత్యేక ప్రణాళిక

సోషల్ మీడియాలో నిబంధనలు మీరితే కఠిన చర్యలు.. డీజీపీ వార్నింగ్

పోలీసులకు బండి భగీరథ్ లేఖ.. మే 15న విచారణకు హాజరవుతా

Read Latest Telangana News And AP News And International News And Telugu News