Fatal Road Accident: మార్కాపురంలో ఘోర రోడ్డు ప్రమాదం..

ప్రకాశం (మార్కాపురం), జనవరి11 (ఆంధ్రజ్యోతి): ప్రకాశం జిల్లా మార్కాపురం నియోజకవర్గ పరిధిలో విషాదం చోటుచేసుకుంది. బేస్తవారిపేట సమీపంలో జరిగిన రోడ్డు ప్రమాదంలో (Fatal Road Accident) ఒకరు అక్కడికక్కడే ప్రాణాలు కోల్పోగా, మరో ఇద్దరు ప్రాణాపాయ స్థితిలో ఆస్పత్రిలో చికిత్స పొందుతున్నారు. మితిమీరిన వేగం, అజాగ్రత్తే ఈ ప్రమాదానికి ప్రధాన కారణమని తెలుస్తోంది. ప్రమాదం గురించి సమాచారం అందుకున్న బేస్తవారిపేట పోలీసులు సంఘటనా స్థలానికి చేరుకుని సహాయక చర్యలు చేపట్టారు. క్షతగ్రాతులను వెంటనే స్థానిక ఆస్పత్రికి తరలించారు. పోలీసులు కేసు నమోదు చేసి విచారణ చేపట్టారు.

పోలీసులు తెలిపిన వివరాల ప్రకారం.. బేస్తవారిపేట సమీపంలో వేగంగా వెళ్తున్న ఓ కారు, ఎదురుగా వస్తున్న బైకును బలంగా ఢీకొట్టింది. ఈ ప్రమాదంలో బైకుపై వెళ్తున్న వారిలో ఒకరు తీవ్ర రక్తస్రావమై సంఘటనా స్థలంలోనే మరణించారు. మిగిలిన ఇద్దరికీ తీవ్రగాయాలయ్యాయి. వీరిలో ఒకరి పరిస్థితి విషమంగా ఉన్నట్లు సమాచారం. మృతదేహాన్ని పోస్టుమార్టం నిమిత్తం ఆస్పత్రికి తరలించారు.

కారు డ్రైవర్ అతివేగమే ప్రమాదానికి కారణమని ప్రాథమికంగా నిర్ధారించారు. ఈ ప్రాంతంలో వరుసగా జరుగుతున్న ప్రమాదాల నేపథ్యంలో వాహనదారులు కొన్ని జాగ్రత్తలు పాటించాలని పోలీసులు సూచించారు. బైకుపై వెళ్లేవారు తప్పనిసరిగా హెల్మెట్ ధరించడం వల్ల ప్రాణాపాయం నుంచి తప్పించుకోవచ్చని తెలిపారు. మూల మలుపుల వద్ద, జంక్షన్ల వద్ద అప్రమత్తంగా ఉండాలని పోలీసులు సూచిస్తున్నారు.

ఈ వార్తలు కూడా చదవండి...

రెయిన్ అలర్ట్.. వాయుగుండం ప్రభావంతో వర్షాలు..

దుర్గగుడిలో అపచారం.. ఏం జరిగిందంటే..

Read Latest AP News And Telugu News