టీచర్‌పై విద్యార్థి దాడి.. వీడియో వైరల్..

పాఠశాలల్లో విద్యార్థులు, టీచర్లకు మధ్య ఇటీవల గొడవలు చోటు చేసుకోవడం చూస్తూనే ఉన్నాం. తాజాగా, ఎన్టీఆర్ జిల్లాలో ఇలాంటి ఘటనే చోటు చేసుకుంది. పాఠశాలలో నాన్ టీచింగ్ స్టాఫ్, విద్యార్థికి మధ్య గొడవ జరిగింది. ఈ ఘటనకు సంబంధించిన వీడియో సోషల్ మీడియాలో వైరల్ అవుతోంది.

కృష్ణా జిల్లా (Krishna District) బాపులపాడు మండలం వీరవల్లి జిల్లా పరిషత్ హైస్కూల్‌లో ఈ ఘటన చోటు చేసుకుంది. ఈ పాఠశాలలో విద్యార్థి, నాన్‌ టీచింగ్ స్టాఫ్‌కు మధ్య గొడవ జరిగింది. ఓ విద్యార్థి తల్లిని నాన్ టీచింగ్ స్టాఫ్ దుర్భాషలాడడంతో ఘర్షణ మొదలైంది. సదరు టీచర్‌పై పదో తరగతి విద్యార్థి.. (Student attacks teacher) పిడిగుద్దులు కురిపించాడు. నా తల్లినే తిడతావా.. అంటూ కోపంతో ఊగిపోయాడు. గొడవ జరగడంతో మిగతా టీచర్లంతా అక్కడికి వచ్చారు. ఆ విద్యార్థిని వారించే ప్రయత్నం చేశారు. తన తల్లిని తిట్టడంతో దాడి చేశానని సదరు విద్యార్థి తెలిపాడు.

దీనిపై బాధిత టీచర్ మాట్లాడుతూ.. ఆ విద్యార్థి చెడు వ్యసనాలకి బానిసయ్యాడని, మందలించే ప్రయత్నం చేయగా దాడి చేశాడని ఆరోపించారు. సమస్య ఉంటే ప్రధానోపాధ్యాయులకు ఫిర్యాదు చేయాలి గానీ.. ఇలా భౌతిక దాడులకు దిగడం తగదంటూ.. ఆ విద్యార్థిని మిగతా ఉపాధ్యాయులు వారించారు. అనంతరం ఈ ఘటనపై పోలీస్ స్టేషన్‌లో పరస్పరం ఫిర్యాదులు చేసుకున్నారు. చివరకు ఉపాధ్యాయులు, గ్రామపెద్దలు సర్దిచెప్పడంతో ఇద్దరూ తమ ఫిర్యాదులు వెనక్కు తీసుకున్నారు. కాగా, ఈ ఘటనకు సంబంధించిన వీడియో సోషల్ వీడియాలో తెగ వైరల్ అవుతోంది. దీనిపై నెటిజన్లు వివిధ రకాలుగా స్పందిస్తున్నారు.

ఈ వార్తలు కూడా చదవండి..

ఫ్యాక్షన్ రాజకీయాలకు అడ్డుకట్ట వేయాలన్నదే మా లక్ష్యం: మంత్రి నారా లోకేశ్

శాసనమండలిలో గందరగోళం.. శ్రీవారి లడ్డూ అంశంపై వాగ్వాదం

Read Latest Telangana News And AP News And Telugu News