ఏపీ హైకోర్టులో ఐదుగురు జడ్జిలకు శాశ్వత హోదా.. కొలీజియం సిఫార్సుకు కేంద్రం ఓకే
ABN , Publish Date - Sep 23 , 2026 | 07:26 PM
ఆంధ్రప్రదేశ్ హైకోర్టులో అదనపు న్యాయమూర్తులుగా విధులు నిర్వహిస్తున్న ఐదుగురికి శాశ్వత హోదా కల్పిస్తూ సుప్రీంకోర్టు కొలీజియం చేసిన సిఫార్సుకు కేంద్రం బుధవారం ఆమోదం తెలిపింది.
ఢిల్లీ, సెప్టెంబర్ 23: ఆంధ్రప్రదేశ్ హైకోర్టులో అదనపు న్యాయమూర్తులుగా విధులు నిర్వహిస్తున్న ఐదుగురికి శాశ్వత హోదా కల్పిస్తూ సుప్రీంకోర్టు కొలీజియం చేసిన సిఫార్సుకు కేంద్రం బుధవారం ఆమోదం తెలిపింది. దీంతో ఏపీ హైకోర్టులో జస్టిస్ మహేశ్వరరావు కుంచం, జస్టిస్ తోట చంద్ర ధన శేఖర్, జస్టిస్ చల్లా గుణరంజన్, జస్టిస్ అవధానం హరిహరనాధ శర్మ, జస్టిస్ యడవల్లి లక్ష్మణరావులను శాశ్వత న్యాయమూర్తులుగా నియమించింది.
ఈ రోజు జరిగిన కొలీజియం సమావేశంలో ఈ సిఫార్సుకు కేంద్రం ఆమోద ముద్ర వేసింది. ఈ నేపథ్యంలో ఇప్పటికే వరకు ఏపీ హైకోర్టులో అదనపు న్యాయమూర్తులుగా పనిచేసిన వీరంతా.. ఇకపై శాశ్వత న్యాయమూర్తులుగా విధులు నిర్వహించనున్నారు. 2024, అక్టోబర్ 28వ తేదీన జస్టిస్ మహేశ్వరరావు కుంచం, జస్టిస్ తోట చంద్రధనశేఖర్, జస్టిస్ చల్లా గుణరంజన్.. అలాగే 2025, జనవరి 24న జస్టిస్ అవధానం హరిహరనాధ శర్మ, జస్టిస్ డాక్టర్ యడవల్లి లక్ష్మణరావులు అదనపు న్యాయమూర్తులుగా బాధ్యతలు స్వీకరించారు.
ఇవి కూడా చదవండి..
విజయనగరం జిల్లాలో వైసీపీకి మరో భారీ షాక్
విశాఖలో భారీ వర్షం.. అప్రమత్తమైన యంత్రాంగం
Read Latest AP News And Telugu News