ఏపీ కేబినెట్‌ భేటీ.. స్థానిక సంస్థల ఎన్నికలపై కీలక నిర్ణయాలు

అమరావతి, ఆగస్టు18: ఆంధ్రప్రదేశ్ ముఖ్యమంత్రి నారా చంద్రబాబు నాయుడు అధ్యక్షతన మంగళవారం వెలగపూడి సచివాలయంలో కేబినెట్ సమావేశం జరిగింది. ఈ సందర్భంగా కేబినెట్ పలు కీలక నిర్ణయాలు తీసుకుంది. అవి..

• కేంద్రం నుంచి స్థానిక సంస్థలకు రావాల్సిన నిధులను పొందేందుకు పట్టణ, గ్రామీణ స్థానిక సంస్థల ఎన్నికలను అత్యవసరంగా నిర్వహించాల్సిన అవసరం ఉందని అభిప్రాయపడింది.

• చట్టంలోని నిబంధనల ప్రకారం బీసీ రిజర్వేషన్లతోనే పట్టణ స్థానిక సంస్థలు (ULBs), గ్రామీణ స్థానిక సంస్థలు (RLBs) ఎన్నికలు నిర్వహించాలని నిర్ణయించింది.

• గ్రామీణ స్థానిక సంస్థల్లో (RLBs) బీసీలకు 34 శాతం రిజర్వేషన్ కల్పనకు ఆమోదం తెలిపింది.

• పట్టణ స్థానిక సంస్థల్లో (ULBs) బీసీలకు 33⅓ శాతం రిజర్వేషన్లు ఇవ్వాలని నిర్ణయించింది.

• ఏపీ పంచాయితీరాజ్ చట్టం-1994కు అనుగుణంగా స్థానిక సంస్థల్లో బీసీ రిజర్వేషన్ల అమలుకు నిర్ణయం తీసుకుంది.

• ఎస్సీ, ఎస్టీ రిజర్వేషన్లలో ఎలాంటి మార్పు ఉండబోదని స్పష్టం చేసింది. ప్రస్తుతం అమల్లో ఉన్న రిజర్వేషన్లు యథాతథంగా కొనసాగుతాయని వెల్లడించింది.

• బీసీ రిజర్వేషన్లకు కోసం ఏర్పాటు చేసిన డెడికేటెడ్ కమిషన్ ప్రక్రియ ఇంకా కొనసాగుతోందని కేబినెట్‌ దృష్టికి ఉన్నతాధికారులు వెల్లడించారు.

• పట్టణ ప్రాంతాల్లోని స్థానిక సంస్థల్లో ప్రత్యక్ష ఎన్నికలకు వెళ్లాలని నిర్ణయం తీసుకుంది.

• నగర, పట్టణ, నగర పంచాయితీల్లోని మేయర్, చైర్మన్ల ఎన్నిక ఇకపై ప్రత్యక్ష పద్ధతిలో చేపట్టాలని నిర్ణయించింది.

• ఇప్పటి వరకూ ఉన్న 13 జిల్లా పరిషత్‌ల సంఖ్యను 28కి పెంచాలని నిర్ణయం తీసుకుంది.

• జిల్లాల విభజనకు అనుగుణంగా జెడ్పీలను ఏర్పాటు చేసేలా కార్యాచరణ చేపట్టాలని నిర్ణయించింది.

• ఈ ఏడాది అక్టోబర్‌లోగా స్థానిక సంస్థల ఎన్నికలు నిర్వహించాలని నిర్ణయం

• ఆర్థిక సంఘం నిధులు రూ.16,500 కోట్లు మరిగిపోకుండా ఉండేందుకు చర్యలు

• మేయర్‌ ఎన్నికలు ప్రత్యక్ష పద్ధతిలో నిర్వహించాలని కేబినెట్‌ నిర్ణయం

• పాత పద్ధతిలో ఓ డిప్యూటీ మేయర్‌కే పరిమితం కావాలని నిర్ణయం

• కర్నూలులో అగస్త్య గ్రీన్‌ ఎనర్జీ ప్రాజెక్టుకు కేబినెట్ ఆమోదం

• 12 గిగావాట్ల సిలికాన్‌ ఇంగాట్‌, వేఫర్‌ ప్లాంట్‌ ప్రతిపాదనలకు గ్రీన్ సిగ్నల్

• విశాఖలో అక్షత్‌ గ్రీన్‌టెక్‌ సోలార్‌ సెల్‌, మాడ్యూల్‌ ప్లాంట్‌, డేటా సెంటర్ల ప్రతిపాదనలు, SIPB నిర్ణయాలకు ఆమోదం.

• తిరుపతి, సూర్యలంక, కేసరపల్లి, కాకినాడలో స్టార్‌ హోటళ్ల ఏర్పాటుకు ఆమోద ముద్ర.

• అమరావతి రైల్వేలైన్‌కు ల్యాండ్‌ పూలింగ్‌పై నిర్ణయం.

• హ్యామ్‌ మోడల్‌లో రోడ్లు, పార్కుల అభివృద్ధిపై నిర్ణయం.

• 10,060 పోస్టులతో జాబ్‌ క్యాలెండర్‌ ప్రకటనపై నిర్ణయం

• బీసీ విద్యార్థుల కోసం జేఈఈ, నీట్‌ సెంటర్ల ఏర్పాటుకు గ్రీన్‌సిగ్నల్‌

• ప్రైవేట్‌ యూనివర్సిటీల ఏర్పాటు బిల్లుకు ఆమోదం.

• ఉన్నత విద్యలో ఫీజుల నిర్ణయానికి కొత్త కమిషన్‌ బిల్లుకు ఆమోదం.

• APSBCLకు రూ.5 వేల కోట్ల వర్కింగ్‌ క్యాపిటల్‌ రుణం ప్రతిపాదనకు ఆమోదం.

• అవయవ మార్పిడికి సంబంధించి ట్రాన్స్‌ప్లాంటేషన్‌ బిల్లుకు ఆమోదం.

• పరిశ్రమలు, ఐటీ, ఇంధనం, పర్యాటక రంగాలపై ఈ కేబినెట్‌లో విస్తృతంగా చర్చ జరిగింది.

ఈ వార్తలు కూడా చదవండి..

స్థానిక ఎన్నికలపై మాధవ్ కీలక వ్యాఖ్యలు

వన్ వే కి సహకారం అందిస్తున్నందుకు ధన్యవాదములు: సీపీ సజ్జనార్

For More AP News And Telugu News