Virat Kohli Retirement: టెస్టులకు కోహ్లీ రిటైర్మెంట్.. బీసీసీఐ ఊహించని ట్విస్ట్

భారత సారథి రోహిత్ శర్మ ఇటీవలే టెస్టులకు గుడ్‌బై చెప్పాడు. ఇప్పటికే పొట్టి ఫార్మాట్ నుంచి రిటైర్మెంట్ తీసుకున్న హిట్‌మ్యాన్.. ఇకపై కేవలం వన్డేల్లో మాత్రమే కొనసాగుతానని స్పష్టం చేశాడు. దీంతో అతడి బ్యాట్ నుంచి వచ్చిన అద్భుతమైన నాక్స్‌ను తలచుకొని ఫ్యాన్స్ ఎమోషనల్ అవుతున్నారు. అయితే రోహిత్ ఇచ్చిన షాక్ నుంచి తేరుకునేలోపే భారత అభిమానులకు మరో ఊహించని ఎదురుదెబ్బ తగిలేలా ఉంది. హిట్‌మ్యాన్ బాటలో టాప్ బ్యాటర్ విరాట్ కోహ్లీ నడవాలని అనుకుంటున్నాడట. లాంగ్ ఫార్మాట్‌కు అతడూ గుడ్‌బై చెప్పాలని ఫిక్స్ అయ్యాడట. అయితే కింగ్‌కు బీసీసీఐ ఊహించని ట్విస్ట్ ఇచ్చిందని తెలుస్తోంది. అదేంటో ఇప్పుడు చూద్దాం..

ఒప్పుకోని పెద్దలు..

టెస్టుల నుంచి రిటైర్మెంట్ తీసుకొని రోహిత్‌లాగే వన్డేల్లో మాత్రమే ఆడాలని కోహ్లీ భావిస్తున్నాడట. ఈ విషయాన్ని బీసీసీఐకి తెలియజేశాడట. అయితే బోర్డు పెద్దలు మాత్రం అతడి నిర్ణయాన్ని వ్యతిరేకించారని తెలుస్తోంది. హిట్‌మ్యాన్ రిటైర్మెంట్‌కు ఓకే చెప్పిన బీసీసీఐ.. కోహ్లీ విషయంలో మాత్రం ఒప్పుకోవడం లేదని సమాచారం. లిమిటెడ్ ఓవర్స్‌లో అదరగొట్టే రోహిత్‌.. టెస్టుల్లో ఫామ్‌లో లేడు. కానీ కోహ్లీ అలా కాదు. అన్ని ఫార్మాట్లలోనూ అదరగొడుతున్నాడు. లాంగ్ ఫార్మాట్‌లో అతడికి టన్నుల కొద్దీ పరుగులు, లెక్కకు మించి సెంచరీలు, అలాగే సూపర్ రికార్డ్స్ ఉన్నాయి. అందుకే విరాట్‌ రిటైర్మెంట్‌కు బోర్డు పెద్దలు నో చెబుతున్నారట.

రివర్స్ ట్విస్ట్ తప్పదా..

విరాట్ గనుక దూరమైతే టెస్టుల్లో టీమిండియా పెర్ఫార్మెన్స్ మీద తీవ్రంగా ప్రభావం పడుతుందని బీసీసీఐ భయపడుతోందట. శుబ్‌మన్ గిల్, యశస్వి జైస్వాల్ లాంటి కుర్రాళ్లు టీమ్‌లో కంప్లీట్‌గా సెటిల్ అయ్యేంత వరకు కోహ్లీ లాంటి ఎక్స్‌పీరియెన్స్‌డ్ క్యాంపెయినర్ అవసరమని బోర్డు అనుకుంటోందట. దీనికి తోడు త్వరలో ఇంగ్లండ్‌‌తో కీలకమైన టెస్ట్ సిరీస్‌లో ఆడనుంది భారత్. వరల్డ్ టెస్ట్ చాంపియన్‌షిప్‌ న్యూ సైకిల్‌లో ముందుకెళ్లాలంటే ఈ టూర్‌లో నెగ్గడం కంపల్సరీ. అందుకే ఇంగ్లీష్ టూర్‌కు రావాలని, మరికొన్నేళ్లు టెస్ట్ టీమ్‌లో కొనసాగాలని కోహ్లీని రిక్వెస్ట్ చేశారట బోర్డు పెద్దలు. అయితే విరాట్ తన నిర్ణయం ఇంకా చెప్పలేదని, అతడు రిటైర్మెంట్‌పై పట్టుబడితే బీసీసీఐ కూడా చేసేదేమీ లేదని సమాచారం. ఇష్టం లేకుండా ఎక్కువ రోజులు కంటిన్యూ అయితే టీమ్‌కే నష్టం. దీంతో రిటైర్మెంట్ వద్దంటూ రిక్వెస్ట్‌తో బీసీసీఐ ట్విస్ట్ ఇచ్చినా.. తప్పదంటూ కోహ్లీ రివర్స్ ట్విస్ట్ ఇచ్చే చాన్స్ కూడా ఉందని వినిపిస్తోంది.

ఇవీ చదవండి:

టికెట్‌ డబ్బులు వాపస్‌

బాంబులు పడతాయేమోనని

గోవాకు కాదు.. ముంబైకే ఆడతా

మరిన్ని క్రీడా, తెలుగు వార్తల కోసం క్లిక్ చేయండి