ATA, IIT Hyderabad Sign Historic MOU: తెలుగు డయాస్పోరా విద్యార్థులకు ఇంటర్న్షిప్కు అవకాశం..
ABN , Publish Date - Sep 30 , 2025 | 09:47 PM
తెలుగు డయాస్పోరాకు చెందిన విద్యార్థులకు ఐఐటీ హైదరాబాద్ క్యాంపస్లో ఇంటర్న్షిప్ అవకాశాలను కల్పించడమే ఈ ఒప్పందం ప్రధాన లక్ష్యం.
అమెరికన్ తెలుగు అసోసియేషన్(ATA) ఐఐటీ హైదరాబాద్(IIT Hyderabad)తో చారిత్రక ఒప్పందం కుదుర్చుకుంది. ఇంజనీరింగ్లో దేశంలోనే 7వ ర్యాంక్, ఆవిష్కరణలలో 6వ ర్యాంక్ సాధించిన ఐఐటీ హైదరాబాద్తో అమెరికన్ తెలుగు అసోసియేషన్(ATA) అవగాహన ఒప్పందం కుదిరింది. తెలుగు డయాస్పోరాకు చెందిన విద్యార్థులకు ఐఐటీ హైదరాబాద్ క్యాంపస్లో ఇంటర్న్షిప్(internship)అవకాశాలను కల్పించడమే ఈ ఒప్పందం ప్రధాన లక్ష్యం. ఇటీవలే వాషింగ్టన్ డీసీ(Washington DC)లో జరిగిన కార్యక్రమంలో ఆటా అధ్యక్షుడు జయంత్ చల్లా, ఐఐటీ హైదరాబాద్ డైరెక్టర్ ప్రొఫెసర్ బీఎస్ మూర్తి ఈ ఒప్పందంపై సంతకాలు చేశారు. ఒక సంవత్సరం కాలపరిమితి వరకు ఐఐటీలో ఇంటర్న్షిప్ అవకాశాలు లభిస్తాయి.
ఈ ఒప్పందం మూడు సంవత్సరాల పాటు అమల్లో ఉంటుంది. దీని వల్ల విద్యార్థులు ఆధునిక పరిశోధన, ఇన్నోవేషన్లలో అనుభవం పొందే అవకాశం ఉంటుందని జయంత్ చల్లా పేర్కొన్నారు. టెక్నాలజీ, రీసెర్చ్ రంగాల్లో జరుగుతున్న వేగవంతమైన మార్పులను అర్థం చేసుకోవడంలో యువతకు ఇది ఉపయోగపడుతుందని తెలిపారు. తొలిసారిగా భారతదేశం వెలుపల ఐఐటీ ఒప్పందం చేసుకోవడం ఆనందంగా ఉందని ప్రొఫెసర్ మూర్తి అన్నారు. అర్హులైన విద్యార్థులకు ఐఐటీ హైదరాబాద్ వసతి, ఇతర సదుపాయాలను నామమాత్రపు ఫీజుతో కల్పిస్తుందని వివరించారు.
ఇవి కూడా చదవండి..
శబరిమల అయ్యప్ప స్వామి భక్తులకు శుభవార్త
ఢిల్లీలో భారీ వర్షం, ట్రాఫిక్ ఇబ్బందులు..విమాన సర్వీసులపై ప్రభావం
