మాజీ సీఎం కేసీఆర్‌ నివాసానికి ఏపీ ముఖ్యమంత్రి జగన్..

హైదరాబాద్: ఏపీ ముఖ్యమంత్రి జగన్మోహన్ రెడ్డి గురువారం మాజీ సీఎం కేసీఆర్ నివాసానికి వచ్చారు. ఈ సందర్భంగా మాజీ మంత్రి కేటీఆర్ ఆయనకు పుష్పగుచ్చం ఇచ్చి స్వాగతించారు. కేటీఆర్‌తోపాటు బీఆర్ఎస్ కీలక నేతలు తలసాని శ్రీనివాస యాదవ్, మహమ్మద్ ఆలీ, జీవన్ రెడ్డి, కౌశిక్ రెడ్డి తదితర నేతలు ఉన్నారు. గత నెల 7వ తేదీన కేసీఆర్ ఇంట్లో జారిపడిపోయిన క్రమంలో యశోద ఆస్పత్రిలో సర్జరీ జరిగింది. ప్రస్తుతం ఆయన ఇంట్లో కోలుకుంటున్నారు. ఈ సందర్బంగా ఆయనను పరామర్శించేందుకు జగన్ వచ్చారు.