KTR : కాంగ్రెస్ నేతల గుండాయిజంకు భయపడవద్దు

హైదరాబాద్: మేము ఎవ్వరికీ ఏ టీమ్, బీ టీమ్ కాదు తెలంగాణ మా టీమ్ అని బీఆర్ఎస్ వర్కిగ్ ప్రెసిడెంట్, మంత్రి కల్వకుంట్ల తారక రామారావు ( KTR ) వ్యాఖ్యానించారు. గురువారం నాడు మల్కాజ్‌గిరిలో ఎన్నికల ప్రచారంలో కేటీఆర్ పాల్గొని మాట్లాడుతూ...‘‘తెలంగాణ రాష్ట్రంలో అధికారంలోకి వచ్చేది కేసీఆర్ ప్రభుత్వమే. కాంగ్రెస్ నేతల గుండాయిజం, రౌడీయిజంకు భయపడకండి ప్రభుత్వం మనది. మల్కాజ్‌గిరిలో జరిగిన అభివృద్ధి మొత్తం కేసీఆర్ చొరువతోనే జరిగింది. ఏ అల్లాటప్ప నాయకులతో జరగలేదు. బీఆర్ఎస్ ప్రభుత్వం నాలుగు సంక్షేమ పథకాలు తీసుకువచ్చింది. సౌభాగ్య లక్ష్మి 18 ఏళ్లు నిండిన ప్రతి మహిళకు 3 వేలు, రూ. 400కే గ్యాస్ సిలిండర్, తెల్లరేషన్ కార్డుదారులకు సన్న బియ్యం, కోటి కుటుంబాలకు 5 లక్షల కేసీఆర్ బీమా సదుపాయం వంటి పథకాలతో పాటు అనేక స్కీమ్‌లు మా ఆలోచనలో ఉన్నాయి. మల్కాజ్‌గిరి బీఆర్ఎస్ అభ్యర్థి మర్రి రాజశేఖర్‌రెడ్డిని గెలిపించి అసెంబ్లీకి పంపిండి. నియోజకవర్గంలో నెలకొన్న సమస్యలను పరిష్కారానికి చర్యలు తీసుకుంటాం’’ అని కేటీఆర్ పేర్కొన్నారు.