పొగాకు తీసుకోవడం వల్ల కలిగే దుష్పభావాల నుంచి దూరం కావడానికి, ఈ అలవాటుకు ప్రత్యామ్నాయంగా ఇ సిగరెట్లను ఎంచుకున్నారు చాలామంది. అయితే ఇప్పుడు ఇ సిగరెట్లు వాడుతున్నవారిలో కూడా గుండె పోటు, స్ట్రోక్స్ సంభవిస్తున్నాయని అధ్యయనాలు చెపుతున్నాయి. దీనికి పరిష్కారంగా ధూమపానం మానేయడం మాత్రమే. ఊపిరితిత్తులు, గుండె, శరీరంలోని ఇతర భాగాలను కాపాడుకోవడం అవసరం.

ఇ-సిగరెట్లు లేదా ఇ-సిగ్‌లు, వేప్‌లు, ఇ-హుక్కాలు, వేప్, పెన్నులు, ఎలక్ట్రానిక్ నికోటిన్ డెలివరీ సిస్టమ్‌లు సిగరెట్ తాగే అనుభవాన్ని అందించే బ్యాటరీతో పనిచేసే, హ్యాండ్‌హెల్డ్ పరికరాలు. నికోటిన్, ద్రావణి క్యారియర్లు (Glycerol, propylene and/or ethylene glycol), రుచులు, ఇతర రసాయనాల కలయికతో తయారు చేయసిన ఇ-ద్రవాన్ని వేడి చేయడంతో అవి ఏరోసోల్ లేదా ఆవిరిని సృష్టించడం ద్వారా పని చేస్తాయి.

ఇది కూడా చదవండి: ఈ విటమిన్ తక్కువైనా కష్టమే.. కావాల్సిన దానికన్నా ఎక్కువున్నా కష్టమే..!

ధూమపానానికి మరొక ప్రత్యామ్నాయంగా వాడుతున్నందు వల్ల ధూమపానం మానేయాలనుకునే మెజారిటీ ప్రజలు ఇ-సిగరెట్‌లను ప్రముఖంగా ఉపయోగిస్తున్నారు. ప్రస్తుతం, చాలా మంది యువకులు, ఇ-సిగరెట్‌లను ఎంచుకుంటున్నారు, ఇ-సిగరెట్లు వాళ్ళు అనుకున్నంత సురక్షితమైనవి కావనేది నిపుణులు చెపుతున్నమాట.

ఇ-సిగరెట్‌లు ఇప్పుడు గుండెపోటు, స్ట్రోక్స్, డయాబెటిస్, కరోనరీ ఆర్టరీ డిసీజ్ (CAD), అధిక రక్తపోటు, రక్త ప్రసరణ సమస్యలను కలిగిస్తున్నాయి. రక్తం గడ్డకట్టడం, నిరాశ, ఆందోళన దీని ఇతర లక్షణాలు. దీనికి కారణం ఏమిటంటే, కొన్ని ఇ-సిగరెట్‌లలో నికోటిన్ ఉంటుంది. పొగాకు ధూమపానానికి సమానమైన విష సమ్మేళనాలను ఇది విడుదల చేస్తుంది. ఈ కారణంగా హృదయ స్పందన రేటు, రక్తపోటును పెంచడంలో నికోటిన్ ముందుంటుంది.

ఇది వాపింగ్ రక్తనాళాల లైనింగ్ వాపుకు కారణమవుతుంది, గుండె రక్తనాళాలలో రక్తం గడ్డకట్టే అవకాశాలను పెంచుతుంది, ధమనిని అడ్డుకుంటుంది. స్ట్రోక్‌కు కారణమవుతుంది. ఇ-సిగరెట్లు అంచనా వేసినంత సురక్షితమైనవి కావు. ఏ రూపంలోనైనా నికోటిన్‌ను వదులుకోవడం మంచిది. ధూమపానానికి E-సిగరెట్ ప్రత్యామ్నాయం కాదు. ఏ రూపంలోనైనా ధూమపానం ఆరోగ్యానికి హానికరం అని గుర్తుంచుకోవాలి. ధూమపానం మానేయాలనుకుంటే ఈ-సిగరెట్‌లకు మారకండి. అవసరమైతే కౌన్సెలింగ్‌కి వెళ్లడానికి ప్రయత్నించండి.