ఏపీకి మరో తుపాను గండం.. ఉత్తరాంధ్రకు భారీ వర్ష సూచన!
ABN , Publish Date - Nov 16 , 2026 | 08:40 AM
రాష్ట్రానికి మరో తుపాను ముప్పు ముంచుకొస్తోంది. ఆగ్నేయ బంగాళాఖాతంలో ఏర్పడిన వాయుగుండం మరింత బలపడి తీవ్రవాయుగుండంగా మారింది. ఇది దక్షిణమధ్య, పశ్చిమమధ్య బంగాళాఖాతంలోకి చేరుకుని నేడు(సోమవారం) సాయంత్రానికి తుపానుగా మారే అవకాశం ఉంది.
అమరావతి, నవంబర్ 16: రాష్ట్రానికి మరో తుపాను ముప్పు ముంచుకొస్తోంది. ఆగ్నేయ బంగాళాఖాతంలో ఏర్పడిన వాయుగుండం మరింత బలపడి తీవ్రవాయుగుండంగా మారింది. ఈ వాయుగుండం అండమాన్ దీవులకు 640 కి.మీ., చెన్నైకి 760 కి.మీ., విశాఖపట్నంకు 870 కి.మీ. దూరంలో కేంద్రీకృతమై ఉంది. గడిచిన 6 గంటల్లో గంటకు 8 కి.మీ. వేగంతో ఇది కదులుతున్నట్లు రాష్ట్ర విపత్తుల నిర్వహణ సంస్థ ఎండీ, ఆర్టీజీఎస్ సీఈవో ప్రఖర్ జైన్ తెలిపారు.
ఈ వాయుగుండం దక్షిణమధ్య, పశ్చిమ మధ్య బంగాళాఖాతంలోకి చేరుకుని నేడు(సోమవారం) సాయంత్రానికి తుపానుగా మారే అవకాశం ఉంది. ఆ తర్వాత 48 గంటల్లో కోస్తాంధ్ర తీర ప్రాంతానికి చేరుకునే సూచనలున్నాయి. దీని ప్రభావంతో గురు, శుక్రవారాల్లో ఉత్తరాంధ్రలో ఈదురుగాలులతో కూడిన భారీ నుంచి అతిభారీ వర్షాలు కురిసే అవకాశం ఉందని వాతావరణ శాఖ అధికారులు హెచ్చరించారు. ఆ రెండు రోజులు కోస్తా తీరం వెంబడి గంటకు 40 నుంచి 60 కి.మీ. వేగంతో ఈదురుగాలులు వీచే అవకాశం ఉన్నందున, ప్రజలు, రైతులు తగిన ముందస్తు జాగ్రత్తలు తీసుకోవాలని అధికారులు సూచించారు.
ఈ వార్తలూ చదవండి
ఎన్విడియా పగ్గాలు మళ్లీ హువాంగ్ చేతికేనా?.. రంగంలోకి టెక్ దిగ్గజాలు..!
విడాకుల తరువాత జీవితంలోకి కొత్త నేస్తం.. వరాహంతో స్నేహబంధం!
యూపీ ఎన్నికల్లో కాంగ్రెస్ 181 సీట్లు అడుగుతోంది: అఖిలేశ్ యాదవ్