నానా పటేకర్‌ మృతి భారతీయ సినిమాకు తీరని లోటు: రేవంత్‌రెడ్డి
ABN , Publish Date - Oct 08 , 2026 | 12:28 PM
వెండితెరపై తనదైన నటనా శైలితో కోట్లాది మంది ప్రేక్షకులను ఆకట్టుకున్న నానా పటేకర్‌ మృతి పట్ల తెలంగాణ సీఎం రేవంత్‌రెడ్డి తీవ్ర దిగ్భ్రాంతి వ్యక్తం చేశారు.
హైదరాబాద్, అక్టోబర్ 8: ప్రముఖ నటుడు నానా పటేకర్‌ మృతి పట్ల తెలంగాణ ముఖ్యమంత్రి రేవంత్‌రెడ్డి తీవ్ర దిగ్భ్రాంతి వ్యక్తం చేశారు. భారతీయ సినీ పరిశ్రమలో నానా పటేకర్‌ మరణం తీరని లోటని పేర్కొన్నారు. హిందీ, మరాఠీ చిత్ర పరిశ్రమల్లో తనదైన శైలిలో నటిస్తూ ఆయన చెరగని ముద్ర వేశారని సీఎం కొనియాడారు.
అద్భుతమైన నటన, సహజమైన అభినయంతో నానా పటేకర్‌ ప్రేక్షకుల హృదయాల్లో ప్రత్యేక స్థానాన్ని సంపాదించుకున్నారని తెలిపారు. విభిన్న పాత్రలకు, తన నటనా ప్రతిభతో ప్రాణం పోసిన ఆయన.. భారతీయ సినిమా రంగానికి అందించిన సేవలు చిరస్మరణీయమని రేవంత్‌రెడ్డి పేర్కొన్నారు. ఎన్నో దశాబ్దాల పాటు తన అద్భుతమైన నటనతో ప్రేక్షకులను అలరించిన నానా పటేకర్‌ ఇక లేరనే వార్త సినీ అభిమానులకు తీవ్ర విషాదాన్ని మిగిల్చిందని అన్నారు.
నానా పటేకర్‌ మృతి నేపథ్యంలో ఆయన కుటుంబ సభ్యులు, సన్నిహితులు, అభిమానులకు సీఎం రేవంత్‌రెడ్డి తన ప్రగాఢ సానుభూతిని తెలియజేశారు. ఈ విషాద సమయంలో కుటుంబ సభ్యులకు దేవుడు ధైర్యాన్ని ప్రసాదించాలని ఆకాంక్షించారు. నానా పటేకర్‌ పోషించిన పాత్రలు, ఆయన సహజమైన నటనా శైలి, సినీ రంగానికి చేసిన సేవలు ఎప్పటికీ గుర్తుండిపోతాయని సీఎం పేర్కొన్నారు. భారతీయ సినిమా చరిత్రలో ఒక విశిష్ట నటుడిగా ఆయనకు ప్రత్యేక స్థానం ఉంటుందని అన్నారు. నానా పటేకర్‌ ఆత్మకు శాంతి చేకూరాలని సీఎం రేవంత్‌రెడ్డి ప్రార్థించారు.
ఈ వార్తలు కూడా చదవండి..
ఎర్రవల్లిలో ఆ భూముల లెక్కలు తేల్చండి.. అధికారులకు సీఎం రేవంత్ ఆదేశాలు
కేంద్ర కేబినెట్‌లో కీలక నిర్ణయాలు.. ITLA, SME ఫండ్స్‌కు గ్రీన్‌సిగ్నల్
మాదకద్రవ్యాల రహిత సమాజం కోసం యువత ముందుకు రావాలి: గవర్నర్
Read Latest Telangana News And AP News And National News