జాతీయ వారసత్వ సంపదగా ములుగు జిల్లా పాలంపేట శివాలయం..

ములుగు, జులై 7: జిల్లా చారిత్రక వైభవానికి మరో అంతర్జాతీయ గుర్తింపు దక్కింది. ప్రపంచ ప్రసిద్ధ రామప్ప దేవాలయానికి అత్యంత సమీపంలో ఉన్న పాలంపేట శివాలయానికి కేంద్ర ప్రభుత్వం జాతీయ ప్రాధాన్యత హోదా కల్పించింది. ఈ ప్రాచీన ఆలయాన్ని జాతీయ వారసత్వ సంపదగా గుర్తిస్తూ కేంద్ర సాంస్కృతిక శాఖ కీలక నిర్ణయం తీసుకుంది. శతాబ్దాల చరిత్ర కలిగిన ఈ కట్టడం ఇప్పటివరకు సరైన నిధులు, పర్యవేక్షణ లేక వెలుగులోకి రాలేకపోయింది. అయితే కేంద్రం తాజాగా తీసుకున్న నిర్ణయంతో ఈ ఆలయ రూపురేఖలు పూర్తిగా మారిపోనున్నాయి.

ఈ అధికారిక ప్రకటనతో పాలంపేట శివాలయం ఇకపై పూర్తిగా భారతీయ పురావస్తు శాఖ (ASI) ఆధీనంలోకి వెళ్లనుంది. దీంతో పాటు, నేషనల్ మాన్యుమెంట్స్ అథారిటీ (NMA) ప్రత్యేక పర్యవేక్షణలో ఈ ఆలయ రక్షణ చర్యలు కొనసాగనున్నాయి. ఆలయ నిర్మాణ శైలి దెబ్బతినకుండా, పురాతన కట్టడాల పరిరక్షణ చట్టాల ప్రకారం ఇక్కడ అభివృద్ధి పనులు జరగనున్నాయి. రామప్ప దేవాలయాన్ని సందర్శించే పర్యాటకులు, భక్తులకు ఈ పాలంపేట శివాలయం కూడా ఒక అద్భుతమైన ఆధ్యాత్మిక, చారిత్రక కేంద్రంగా మారబోతోంది. ఈ ప్రాంతంలో పర్యాటక రంగం మరింత వృద్ధి చెంది, స్థానికులకు ఉపాధి అవకాశాలు మెరుగవుతాయని ఈ ప్రాంత ప్రజలు హర్షం వ్యక్తం చేస్తున్నారు.

ఈ వార్తలు కూడా చదవండి..

నడి రోడ్డుపై నటుడు పడవ ప్రయాణం.. వీడియో వైరల్

పొలంలో బాలికల డ్యాన్స్.. నెటిజన్ల హృదయాలను దోచుకున్న వీడియో వైరల్

For More Viral News And Telugu News