రూపారెడ్డి హత్య కేసు.. వెలుగులోకి సంచలన నిజాలు

నల్గొండ, ఆగస్టు 19: కొండమల్లెపల్లిలోని నాగార్జున స్కూల్ ప్రిన్సిపాల్ కె. రూపారెడ్డి హత్య ఘటన రాష్ట్ర వ్యాప్తంగా సంచలనం సృష్టించిన సంగతి తెలిసిందే. ఈ నెల 11న జరిగిన ఈ హత్య కేసుకు సంబంధించి మిస్టరీని పోలీసులు ఛేదించినట్లు తెలుస్తోంది. ఈ దారుణానికి పాల్పడింది అదే పాఠశాలలో చదివిన పూర్వ, ప్రస్తుత విద్యార్థులని విచారణలో తేలినట్లు సమాచారం అందుతోంది. సుమారు 80 మందిని విచారించిన అనంతరం వారే ఈ దారుణానికి పాల్పడ్డారని పోలీసులు నిర్ధారణకు వచ్చినట్లు సమాచారం.

డబ్బుల కోసం ఆశపడే వారు ఈ ఘాతుకానికి ఒడిగట్టినట్లు పోలీసులు భావిస్తున్నారు. అంతేకాదు.. రూపారెడ్డి హత్య అనంతరం ఆ విద్యార్థులు సుమారు రూ.4 లక్షల నగదు చోరీ చేశారని.. అక్కడి నుంచి నిందితులు గోవాకు పారిపోయినట్లు పోలీసులు అనుమానం వ్యక్తం చేస్తున్నారు. వారం రోజులుగా రాష్ట్ర వ్యాప్తంగా కలకలం రేపిన ఈ కేసులో విద్యార్థుల ప్రమేయం ఉన్నట్లు వార్తలు రావడం స్థానికంగా తీవ్ర కలకలం రేపుతోంది.

ఈ వార్తలు కూడా చదవండి:

క్రమంగా పెరుగుతున్న బంగారం ధరలు.. నేటి రేట్స్ ఇవీ..

శ్రీవారి సర్వదర్శనానికి 12 గంటలు..