డిమాండ్ల పరిష్కారం కోసం నేడు తెలంగాణ ఎంప్లాయిస్ జేఏసీ నిరసన

హైదరాబాద్, ఏప్రిల్ 17: తమ డిమాండ్లను వెంటనే పరిష్కరించాలని రాష్ట్ర ప్రభుత్వానికి తెలంగాణ ఎంప్లాయిస్ జేఏసీ (టీఈజీజేఏసీ) విజ్ఞప్తి చేసింది. అందుకోసం శుక్రవారం నిరసనలు చేపట్టనున్నట్లు తెలిపింది. ఈ రోజు మండల, రెవెన్యూ, జిల్లా కలెక్టర్ కార్యాలయాల వద్ద భోజన విరామ సమయంలో ఈ నిరసనలు తెలియజేస్తామని టీఈజీజేఏసీ ప్రకటించింది. ప్రధానంగా తమ నాలుగు డిమాండ్లతోపాటు మొత్తం 64 డిమాండ్లను నెరవేర్చాలంటూ జేఏసీ ఇప్పటికే ప్రభుత్వానికి అల్టిమేటం ఇచ్చిన సంగతి తెలిసిందే.

ఎంప్లాయిస్ జేఏసీ డిమాండ్లు ఇవి..

• జూన్ 2వ తేదీ నాటికి పీఆర్సీ అమలు చేయాలి.

• రిటైర్డ్ ఉద్యోగుల పెండింగ్ బిల్స్ అన్ని క్లియర్ చేయాలి.

• హెల్త్ కార్డులను తక్షణమే అమలు చేయాలి.

• సీపీఎస్ (CPS) రద్దు చేసి ఓపీఎస్ (OPS) పునరుద్ధరించాలి.

• 2004 సెప్టెంబర్ 1వ తేదీకి ముందు నియామితులైన ఉద్యోగులకు ఓపీఎస్ అమలు చేయాలి.

• పెండింగ్ బిల్లులతో పాటు పెండింగ్ డీఏ (DA)లను వెంటనే విడుదల చేయాలి.

• గతంలో ప్రభుత్వం ఇచ్చిన హామీ ప్రకారం 61 సంవత్సరాలు నిండిన వీఆర్ఏ (VRA)ల సమస్యలు పరిష్కరించాలి.

• ఔట్ సోర్సింగ్ ఉద్యోగులకు ప్రత్యేక కార్పొరేషన్ ఏర్పాటు చేసి ఉద్యోగ భద్రత కల్పించాలి.

• ఉద్యోగ, ఉపాధ్యాయుల సాధారణ బదిలీలు చేపట్టాలి.

• ప్రభుత్వ ఉద్యోగుల సమస్యలను ఎప్పటికప్పుడు పరిష్కరించేందుకు ప్రత్యేక కార్యాచరణ ప్రణాళిక రూపొందించాలి.

ఈ వార్తలు కూడా చదవండి..

సీట్లు మార్చి.. రంగులు వేసి..

సింహాచలం అప్పన్న చందనోత్సవం.. భక్తులకు కీలక సూచన

For More TG News And Telugu News