టార్గెట్ సిరిసిల్ల, సిద్దిపేట!
ABN , Publish Date - Sep 22 , 2026 | 06:58 AM
బీఆర్ఎస్ పార్టీకి కీలకమైన సిరిసిల్ల, సిద్దిపేటలపై సీఎం రేవంత్రెడ్డి ప్రత్యేకంగా దృష్టి సారించారు. ఈ రెండు నియోజకవర్గాల్లో అభివృద్ధి కార్యక్రమాలతో పాటుగా భారీ బహిరంగ సభలకు సిద్ధమయ్యారు.
భారీ సభలకు సిద్ధమవుతున్న రేవంత్
30న సిరిసిల్లలో ముఖ్యమంత్రి సభ
పలు అభివృద్ధి కార్యక్రమాల్లో పాల్గొననున్న సీఎం
అక్టోబరు మొదటి వారంలో సిద్దిపేటలో సభ
హైదరాబాద్, సెప్టెంబరు 21 (ఆంధ్రజ్యోతి): బీఆర్ఎస్ పార్టీకి కీలకమైన సిరిసిల్ల, సిద్దిపేటలపై సీఎం రేవంత్రెడ్డి ప్రత్యేకంగా దృష్టి సారించారు. ఈ రెండు నియోజకవర్గాల్లో అభివృద్ధి కార్యక్రమాలతో పాటుగా భారీ బహిరంగ సభలకు సిద్ధమయ్యారు. ఇందులో భాగంగా కేటీఆర్ ప్రాతినిధ్యం వహిస్తున్న సిరిసిల్ల నియోజకవర్గంలో ఈ నెల 30న నిర్వహించనున్న భారీ బహిరంగ సభలో ముఖ్యమంత్రి పాల్గొననున్నారు. అక్టోబరు మొదటి వారంలో హరీశ్రావు ప్రాతినిధ్యం వహిస్తున్న సిద్దిపేటలో సీఎం సభ ఉంటుందని కాంగ్రెస్ వర్గాలు వెల్లడించాయి.
ఈ రెండు సభలను విజయవంతం చేయడానికి ఏర్పాట్లు చేయాలని డీసీసీ అధ్యక్షులను టీపీసీసీ అధ్యక్షుడు మహేశ్గౌడ్ ఆదేశించినట్లు సమాచారం. ఇటీవల శాసనసభలో 22ఏపై చర్చ సందర్భంగా కేటీఆర్, హరీశ్లు భూ దోపిడీలకు పాల్పడ్డారంటూ సర్వే నంబర్లతో సహా రేవంత్రెడ్డి వివరాలు బయటపెట్టారు. ఈ క్రమంలో సిరిసిల్ల, సిద్దిపేటల్లో సీఎం బహిరంగ సభలపై సర్వత్రా ఆసక్తి నెలకొంది. సిరిసిల్లలో బీఆర్ఎస్ నాయకులు 8 వేల ఎకరాల ప్రభుత్వ భూమిని చెరబడితే.. తమ ప్రభుత్వం వచ్చాక కలెక్టర్ 2 వేల ఎకరాలు స్వాధీనం చేసుకున్నారని రేవంత్ చెప్పిన సంగతి తెలిసిందే. సిద్దిపేటలో హరీశ్ అసైన్డ్ భూములను ఆక్రమించుకున్నారని తెలిపారు. ఈ నేపథ్యంలో సిరిసిల్ల, సిద్దిపేట సభల్లో సీఎం రేవంత్.. ఈ భూముల వ్యవహారంపై ఎదురుదాడి చేసే అవకాశం ఉందని పార్టీ వర్గాలు చెబుతున్నాయి.
ఈ వార్తలు కూడా చదవండి..
జగదీశ్రెడ్డికి వందల కోట్ల ఆస్తులు
కాంగ్రెస్ నేతల ఆస్తుల వద్దకు బీఆర్ఎస్!
Read Latest Telangana News And AP News And National News
And Telugu News
